لو سمحتي عندي كم سؤال و إن شاء الله يكونوا خفيفين عليكِ :)
* أنا لسى ما تخرجت من الجامعه، المفروض اخلص الترم ذا بس انا راح اخذ ترم زياده يعني راح اخلص الترم الأول السنة الجايه إن شاء الله .. و أنا تخصصي أحياء دقيقه .. و كلية العلوم على حسب شروط تقديم السنه هذه مو طالبين اختبار قدرات .. بس ممكن تتغير الشروط السنه الجايه .. و في جامعات غير الملك عبدالعزيز طالبين الاختبار .. نفسي اختبر الاختبار بس ما يطلعلي رابط التسجيل و اختيار الموعد الا اذا كنت متخرجه .. فينفع نكتب في الخانه (تخرج) و لا يعتبر حاجه ممكن تورطني بعدين ؟؟؟ :$
* اختبار step أو القدرات بس يكون في المدن اللي محددينها؟؟؟ لأني من المدينه و ما أعرف إذا الظروف وقتها راح تسمحلي أسافر لمكه أو جده .. لأنها حتكون وقت دراسه و دوام ، و غريبه المدينه مايكون فيها مقر اختبار :(
* كم الرسوم لإختبار القدرات و step ؟؟؟ و دوبي دخلت بس لقيت مافي سعه !! إيش العمل ؟؟
إن شاء الله ألقى الجواب .. و الأهم إني ما أزعجتك :)