أختي فتاة العصر .. الله يعطيك العافية و يوفقك .. انا عندي أسئلة كثيرة .. أستحمليني شوي تكسبي أجر فية .. فيس يبكي .. ههههههه
طبعاً انا بكالوريوس ادراة أعمال امتياز مع مرتبة الشرف و عندي دورات و خبرات الحمد لله أبغى اكمل ماستر في نفس التخصص ..
ماشاء الله الله يوفقك
المهم يا حلوة طبعاً أنا لسا ما دخلت أختبار ستيب ولا القدرات للجامعيين لأنو أستني الأختبار إلى بشهر 4 ما أدري هل أسجل الحين في القبول للماستر و لا استنى نتيجة الاختبارات لأنو ما راح نظام القبول يكمل التسجيل إلا إذا كان عندي درجة اختبار القدرات صح ولا لأ ؟؟ وهل لتخصص ادارة أعمال لازم التوفل ولا ممكن البديل زي ستيب و لا أيليتس ؟
لا تسجلي حتى تحصلي على العلامة اصلا ماراح تطلع لك الرغبات اللي تبيها وتقدري تختبري اي اختبار لغة متاح كلها تفي بالغرض وتعادل بعض
انا الصراحة إلى فهمتو من الكلام إلى كتبتية في صفحة 14 أنو في عند المتقدمة خيارين أما تدخل اختبار ستيب و تجيب 52 فما فوق او أنها بعد ما يقبلوها تاخذ دورة في الجامعة , صح إلى فهمتو ولا لأ ؟؟ لانو أنا أصلاً راح أدخل ستيب بس عشان اتأكد أنو مو هوا خياري الوحيد ,, و أخاف ما يكون فية وقت بعد الأختبار عشان أقدم و ماني عارف متى راح ينتهى التقديم للماستر ؟؟
في اقسام تقبل بالدورة البديلة بعد القبول وتقدري تلاقيه بموقع الجامعة مهمتك انك تدوري
التقديم ينتهي في شهر 5 يوم 4 راجعي المواعيد
و كمان حاحة افتكرتها .. هل لمن أدخل على نظام قبول أنا أحط درجات الأختبارات تبع القدرات و ستيب و لا هي تتحمل من موقع قياس ولا لازم أخذ شهادة من قياس ؟؟
الستب انتي تنزليها والقدرات هي تضاف للنظام
و ابغى أسالك كمان عن ايش اختار هل ماجستير بالمقررات الدراسة و الرسالة أو بالمقررات و المشروع البحثي .. الصراحة أنا أبغى الأسهل مو مهم عندي رسالة أو مشروع أهم شي الأسهل ؟؟
مافي اسهل واصعب يعتمد عليك انتي تحبي تدرسي مواد اكتر تاخدي مشروع مواد اقل تاخدي رسالة
وهذي تعتمد على ظروفك وطبيعة تخصصك وقسمك ويتحدد في السنة الاولى للماجستير مو الان
الله يعينك علينا ... أستحملينا لحد ما نخلص من التقديم .. و بعد كذا إذا دخلنا الجامعة راح ننشب لك الله يعينك هههههههههه
يعطيك العافية حبيبتي مقدماً جزاك الله كل خير ..