[Twix~}..]

يسعدلي مساكم & صبآحكم كل واحد بوقتو ..

كتير كان بيستفسر عن مادة اصول تربية اسلاميه ومين الي راح يدرسها وكيف الاستاذهـ وكيف الاسئله ومن دي الاشياء خصوصا انو الاغلبيه بيأخذها مادهـ حرهـ والكل حاب يجيب فيها الـ +a ..

طبعا اليوم الاحد 17/3/1432هـ كان أول كلاس لدي المادهـ .. والاستاذهـ الي حتمسكها بدا الترم أستاذهـ سهام مرزوقي ..

رأي بأول كلاس ..

كان كلاس حلو بصرآآحه بطريقة الشرح والتعامل والاسلوب ..

اممممممم طبعا الاستاذهـ ما وضحت عدد الابواب الي راح ناخذها لانو قالت ما نقدر نحدد عدد معين يعني الي فهمتو من كلامها هيا راح تمشي بالابواب الى ما توصل لوقت خلاص ما تقدر تكمل بعد كدا ..لانها قالت ما يهمني قد ايش ناخذ بقدر ما يهمني ايش تستفيدي وايش تفهمي من المادهـ ..

قالت حيكون اختبار واحد بس .. وابغى منكم برزنتيشن عن موضوع .. وتبغى كمان ظاهره اجتماعيه نناقشها بنهاية كل كلاس ..وانو كل طالبه تعمل بور بوينت عن فصول الكتاب وهيا تشرحو وقت المحاضرة .. دي الاشياء المبدئية الي طلبتها مننا وما اعرف اذا حتطلب شي تاني او لا ..

قالت كمان حتكون اسئلة الاختبار موضوعيه واذا في اسئله مقاليه راح اقولكم من وين وايش الشي الي ممكن يكون مقالي بس غالبا موضوعي او تعداد ..

طريقة شرحها مرآآ حبيتها .. مرت الساعه ونص بدون ما نحس .. شرحها جدا مو ممل وتخلي البنات يشاركو معاها بالشرح .. وقالت جيبو معكم الكتب يصير تأشرو معايا الاشياء ..

اسلوبها وتعاملها معانا كطالبات مرآآ حلو واخلاق احس انها انسانه متفهمه وغير كدا بصراحه كشخه <<< مو وقتكـ ...

دآ رآي بآول كلاس حبيت اعطي خبر للبنات الي حابين يفكرو يضيفوها او حبين يعرفو كيف كان الكلاس ..

طبعا انا ارتحت باول كلاس بس مجرد ما اذكر كلام البنات اخاف منها وافكر احذفها .. طبعا محاضرة يوم الثلوث إن شاء الله على اساسها راح اقرر اخلي المادهـ او احذفها برضو اتعرف على الاستاذهـ اكتر .. مبدئيا انا راضيه عن الماده وعن الاستاذهـ ..

احوب اقول أنو دا رأي ودا لسا اول كلاس وما خفي اعظم .. استنى أراء البنات الي اليوم حضرو معاها .. او اخذوا معاها قبل كدا ..

الله يوفق الجميع ..