تونيا معليش سؤال بسيط السفارات والقنصليات انتي اتصلتي عليهم ولا رحتي بنفسك وايش قلتيلهم
|
لا أنا رحت عندهم إيش أبغى بأرقامهم
والسفارات الي رحتها السفاره الإيرانيه (مره حلوه والحديقه الي فيها وااااااو )
بس بصراحه مافي موضوع يخصها وعشان كده صرفت نظر
والسفاره التركيه مادري مادخلت مزاجي وانا رحتها مع وحده زوجها تركي وكان عندها اجراءات هناك ورحت معاها عشان آخذ خلفيه
وكمان مالقيت موضوع
ورحت كمان السفاره اليمنيه وخصوصاً انه وحده اتدربت هناك وسوت موضوع مره حلو وعجب الدكتوره واتذكر كان عن شي يخص السلك الدبلوماسي (أسألها تاني وأكلمكم)
وكماااااان ماناسبتني
وبصراحه كانت روحاتي تمشيات لكنها تجربه حلوه
وكل مكان أروحه أحس اني أدور عن شي وماني عارفه ايش
عموما لو تبغي أرقامهم أتصلي على السنترال يعطيكي
بس أفضل تروحي عشان تقتنعي
ولو لقيتوا موضوع له علاقه بيهم روحوا ولا تستنوا
بس أنا يمكن عشان من البدايه كان نفسي في الأيزو
وكنت أبحث عن الأيزو في كل مكان أروحه فصعب عليا الإختيار
مره كمان رحنا انا وصحبتي وزارة التجاره ودخلنا على المدير (والله نسيت اسمه بس لقبه الزهراني)
انسان محترم وفعلاً مدير , كلمناه وقلنا اننا نبغى نتدرب , وقال أبشروا بس جيبوا خطاب من الجامعه
وقلتله طيب انا موضوعي عن الأيزو ياترى في هنا الي يخص موضوعي
قال: يابنتي احنا عندنا سجلات لمستثمرين مواطنين وأجانب , وإحنا حلقة وصل وعندنا قضايا تجاريه دوليه ومحليه
موضوعك أنا اشوف مو عندنا , روحي هيئة المواصفات والمقاييس أو شركه عالميه تكون أخذت الأيزو
الله يسعده هذا المدير ,,على نصيحته و صدق في كل كلمه قالها , كان هذا الكلام يوم الثلاثاء والي بعده اربعاء واجازة الحج
وبعدها لا رحت هيئة مواصفات ولا شركات ولاهم يحزنون , رحت المستشفى ورافقت أبويه وكان المكان الوحيد الي الله سبحانه وتعالى سخرلي فيها بعد كده كل خير وسهل لي كل صعب ولقيت كل شي يخص الايزو
هذي شويتين من رحلاتي
والي عندها سؤال تسأل وانا ماراح أبخل عليكم بشي