السلام عليكم ورحمة الله وبركاته
..
لي سؤال أعزائي وأتمنى ألاقي عندكم إجابة .. :)
أنا نازل لي 18 ساعة في جدولي والحمدلله هذا العدد المطلوب لي هذا الترم ..
وإلي كنت ناوية أنزله .. المشكلة ان اسماء الدكتورات لسه مانزلت وخلاص باقي 4 ايام على
دورة الانتساب وصديقتي اليوم راحت الجامعة قالوا لها النظام عطلان طيب ان شاءالله متى يفتح؟؟؟؟؟؟؟
جاني قلق لاني مو عارفة اصلا مين إستاذاتي وهل هم كويسين ولا لا؟؟؟
يعني داخله على الله ولا دراية عن شي وكمان عندي بحث وتدريب وماني عارفة استاذتي ..
وانتو عارفين لازم اكون مع دكتورة كويسة ومتعاونة ايش اسوي؟؟
والله جامعتنا نظامها يجيب الهم بصراحة مافي شي عِدل في الجامعة ..
سؤالي الأول : مين عنده خبرمتى ينزل اسماء الاستاذات ..؟؟؟؟؟؟؟؟؟؟؟؟؟؟؟
واذا ماعجبتني استاذة اقدر اغير شعبتي بالذات البحث والتدريب ولا مايرضو؟؟ والطالبات الي راجعو الغرفة الي قالوا عنها ايش قالوا لهم ؟؟؟؟؟؟؟؟
والسؤال الثاني .. عن دكتور ادارة موارد بشرية بالانجليزي كيف اسلوبه واسئلته ؟؟؟؟؟؟؟؟
والسؤال الثالث : مين يعطي دايما هذي المواد أقصد أسماء الدكتورات .. أو الدكاتره ..
1 ] دراسة إدارية معاصرة ..
2 ] ادارة أعمال في ثقافات متعددة ..
3 ] القيادة وإدارة الإبتكار ..
ومين عنده معلومات عن ادارة أعمال بالإنجليزي ..؟؟؟؟؟؟
الله يوفقه / ــا الي يرد عليا ويساعدني ..
والله يسهل للجميع .. موفقين دنيا وآخرة ..
ودي ..
قِيثـارة الأمَـل