[عـ,,,ـل]

السلام عليكم

طبعا جيتكم ضيفه ومره فرحت بمناسبه قبول رغوده انتظام

المهم اقلكم ليش جيتكم

ابغا اقولكم حكايتي

طبعا السيد سوبر طلب مني زمان اول ماسجلت في السعودي الالماني انقل اخباري لكم

وحصلت حاجات جديده وحبيت احكيكم هيا

اول حاجه طبعا كان السمستر الاول كورس انجليزي وقبل الفاينل اكزام قالو اختبارنا حيكون في

النيوهورايزن وزاكرو دي الاسئله بس وروحو اختبرو حتجي نفس الاسئله (بتنعاد كل سنه)

طبعا مره فرحنا وقلنا ضامنين كلنا فوق 95 وازا مو الاغلبيه جابو الفل مارك

المهم كانو موزعينا على دفعات كل مجموعه يختبرو فيوم محدد

راحو اول مجموعه قالو راسبين

لي راسبين ؟؟؟ قالو ماجات نفس الاسئله

انا سرت كدا

قالو مو نفس الاسئله.. انا كنت في الدفعه التانيه طبعا رايحه وخايفه وقلقانه وحالتي حااله

وشفت كتيييييير راسبين قبلي قلت انا حروح فيها ودخلت وسميت وبدات اختبر

خلصت من اختباري جبت 74

اختكم هادي سارت كدا وكدا وكدا كلو فوقت واحد ابكي واضحك وانطنط مو مصدقه

انو نجحت واغلبيه اللي نجحو كانت درجاتهم في 60

وبس بدا السمستر التااني وبدانا اول محاضره كانت بيولوجي الدكتوره تشرح ونحنا متنحييييييييين

وكل ماتسال بنت البنت تتنح وتروح للي بعدها والبنت تتنح ههههههههههه

انا ابغا اضحك من شكلنا وربي تحفه

بس الحمد لله مشي الحال

سوري طولت عليكم في قصتي بس قلتها لانو عاصم قالي