[عزتي مالها حـد]

المشاركة الأصلية كتبت بواسطة د. هدّولا شوفي ياستي .. انتي دحين عنك نوعين من المركبات .. Ionic , molecular حلوو ! طيب نجي للأيونيك دي الحلوة تحتها بنتين حلوين اللي هما لمن يكون للعنصر تكافؤ واحد ولمن يكون للعنصر أكتر من تكافؤ تمام كدا !!! طيب لمن يكون تكافؤ واحد زي كلوريد الصوديوم .. الكلور والصوديوم الاتنين عندهم واحد تكافؤ بس طيب كيف التسمية راح تكون انتي شوفي كلوريد الصوديوم تحت كل كلمة بالعربي اكتبي الانجليزي حقها فيصير sodiom chloride الشق السالب في اليمين والموجب في اليسار سهلة مافيها شي حلوو ! طيب نجي للي تكون عندها اكتر من تكافؤ زي الايرون ( الحديد ) عندو +3 و +2 زي الميركوري ( الزئبق ) عندو +1 و +2 زي الكوبر ( النحاس ) عندو +1 و +2 ^ تحصليها في الجدول الكبير داك المهم دي راح تختلف في حاجة اللي هي ان تسميتها راح تكون بالأعداد الرومانية مثلا لو كان عندنا كلوريد الحديد اممم لو نبغى الحديد أبو +2 راح يكون الاسم iron (11) chloride اول شي الشق الموجب بعدين العدد الروماني بعدين الشق السالب لو مثلا يبغى الحديد أبو 3 راح يكون iron (111) chloride وكدا تطبقي مع الباقي اول شي موجب بعدين أيت تكافؤ بعدين الشق السالب ..... طيب لو فرضا جابلك شق مو عنصر زي الامونيوم اللي هوا nh4 وجابلك معاه الكلور راح تعاملي الشق كأنو عنصر زيو زي أي شي سواء الشق كان موجب أو سالب طيب كيف التسمية تكون بالاول ولا التاني !! راح تكون بالأول لأنه الامونيوم ماعنده الا تكافؤ واحد ... .... دي بالنسبة للأيونية لو شرحي كان كويس ويفهم قوليلي كملي

هدولا
الله يوفقكك ياارب
ماشاءالله روعه شرحك
بس اللي بالاحمر مافهمته
يعني كيف أفرق بين الشق والعنصر ؟