,,السلام عليكم ومسيكم بالخير ,,
اولا احب اعرف بنفسي .. انا مشاكس <-- جبت شي جديد انت ووجهك!
المهم مواضيعي كلها اكتبها بنفسي بدون نقل .. واعتمد في اسلوبي على الاسلوب الساخر في موضوع يحاكي الواقع .. ما ادري يمكن ينال على اعجابكم هالاسلوب .. واذا ما عجبكم عادي ترى ..اتقلع مو مشكله
الموضوع
معليش تحملوني اليوم مره مالي خلق ماش نفسي ادوس واترفس في بطن شغالتنا .. ماتشوفني متأنتك ومتكي على المسجل الا وتشغل المكنسه ززززززززززززز <--- انواع الازعاج .. اقول لها يابنت الناس طفيها خليني اسمع اغنية عتاب الجديده تقول صوت المكنسه احلى !! خبركم شغالتنا عندها ثقافات فنيه وقلت لها بتطفيها ولا شلون . قالت مافي . واللي قاهرني اختي الصغيره تدور وراها بالمكنسه تقول نمله تلاحق قطوه مو خايفه منها
رحت اشتكيت عند امي .. قالت امي خلها تنظف براحتها واطلع برى يالفاشل !
دايم ينظر للعاطل او اللي مابعد ربي يرزقه بوظيفه نظره مو حلوه ولا يطلع من ثلاث خيارات:
فاشل او داشر او مغرور ولا يعجبه العجب!
ما يدرون ان الدنيا ماشيه بالواسطه . صحيح متخرج ومعدلي 60% لكن مو معناهتا اني فاشل خخخخخ
احنا في زمن الواسطه يعني لا تستغرب يوم تبي تحك خشمك تعيي يدك وتقول جب لي ورقه من عقلك <--- واسطه !
ياخي الدنيا مره بالمقلوب ماشيه يعني لي متى وانا طالب مستجد متى اترقى واصير مراقب قلت لهم انا معي ماجستير ودكتوراه في الفلك قالو ماهو باين في كتاباتك! ... قلت لهم انا اكتب في الفكاهه والدلاخه قالو شف لك مراقب يفزع معك .. كلمت ttotti20 قال مالي شغل فيك .
تلاقي واحد خريج جامعه او كليه يتخرج بمعدل حلو يروح يقدم على وظيفه وهو مترزز وانواع العطورات يحطها والشماغ حركتات والثوب مخصر خخخخخ
ويدخل على الموظف ويقول له عطنا ملفك ورح انرزع في البيت الين نتصل عليك
واذا طولو عليه واتصل عليهم صرفوه ,, حتى من البهذله يقولو والله المدير راح يعبي بنزين ويجيب الاطفال من المدرسه ,, حتى بعض الاحيان يقولون المدير راح الكوفير!! <-- لاتعليق
بعد شهر يراجع شركه ثانيه ويفصخ الشماغ ويروح بطاقيه وثوب بدون جيب خخخخخخخ ونفس الحكايه واردى يلطعونه سنه ولا يردو عليه
بعد ست اشهر تلاقيه رايح لهم بفنيله علاقي وسروال ابيض
تقول رايح يلقح نخل ههههههههه
تصدقون حتى في المجال العائلي به واسطه يعني اذا عندك واسطه قويه بالبيت مثل امك او اختك الكبيره تاكد ان ابوك بيشتري لك سياره و بيعطيك حق البنزين و مصروف كل خمس ساعات و انواع الفله ههههههههه
ماعندك مالك الا تطقها كعابي وين مارحت مثل حلاتي
ياخي لي متى واحنا كذا يعني الشغله صارت احتكار .. اللي عنده واسطه ماشيه اموره واللي ماعنده ينطق في البيت ولا يطلع !
بس صبركم علي اذا صرت مشرف في المنتدى هنا لمن اجي اعتزل بخلي ولدي مراقب مكاني ولا انظر في الموجودين ووش قاعدين يقدمون .. يعني بطبق نظرية العالم اللي تقول ..
الوظيفه احتكار عائلي يتوارثه ابنائنا ... واذا عندك واسطه ممكن ندخلك معنا
وانتوا وش تقولو في قضية الواسطه !!
اخوكم مشاكس