اول شي السلام عليكم ورحمة الله وبركآته ..
انا استغفرالله قلقانة تعبت من التفكير ابغا احد يجآوبني ..
دحين انا ثالث ثانوي وخلاص مابقي شي واخلص وبعد اسبوعين حدخل اول اختبار قدرات ..
وانا ابغا ادخل الجامعة عن طريق المنحة طبعن انا يمنية ومني فاهمة المنحة ددي لخريجين اي سنة يعني ماراح تكون لدفعتي ..؟
قصدهم الدفعة حق العام ..؟ ولا كيف
طيب انا ابغا اقدم على دي المنحة متى اقدم ..؟ مني فاهمة
لو ابا اقدم من فين اقدم ..؟
طيب اقدر ادخل عن طريق المنحة دي كلية عفت او دار الحكمة ..؟
ياليت احد يجاوبني وبكون لكم شاكرة ربي يريحكم ريحوني تكفون 
|
شوفي ياقلبي في طريقتين تدخلي بيها جامعة الملك عبد العزيزانتظام
الطريقه الاولى تتخرجي وتختبري قدرات وتحصيلي ويكون الدرجه الموزونه حقك(القدرات والتحصيلي والثانويه العامه يحسبوها بطريقه معينه) فوق نسبه معينه تطلبها الجامعه مثلا هذي السنه طلبت فوق 88 والعام فوق 90 ع حسب كل سنه وبعد ماتختبري وتحسبي الموزونه تقدمي اوراقك للجامعه ويقبلوها لكن مايردولك خبر وتنتظري ترم بعدين ع الترم التاني يبدا القبول لغير السعودين وتقدمي الاوراق الرسميه وتداومي
الطريقه التانيه تتخرجي و تختبري قدرات وتحصيلي وتسالي التقديم ع المنح متى؟؟ وتقدمي اوراقك للقنصليه اليمنيه اظن ان التقديم بشهر 4 بعد ترم وبعدين ع رمضان اوبعد يطلعوا موقع السفاره اللي بالرياض اسماء كل المتقدمين للمنح وفي نص او نهاية الترم الاول يطلعوا اسماء المقبولين للمنح وتراجعي الجامعه لين يقولك الاسماء توقعت من التعليم العالي هاتي اوراقك ويكون قبولك تقريبا ع الترم التاني او بعد اسبوع منه وتكوني انتظرتي المنحه سنه وترم لكن هنا يتم قبولك حتى لو نسبتك القدرات والتحصيلي اقل من النسبه المطلوبه من الجامعه
وهذي المنحه خاصه بالجامعات السعوديه مالها صلاح لا بعفت ولا بالحكمه