أنا أبغى أروح الشرقية عشان تغيير جو و أعرف ناس هناك كمان ..
بس عندي اشياء في بالي , أنا بإذن الله دا آخر ترم ليا في الجامعة
و التدريب يبدأ بعد الإختبارات على طول ..
كيف أقدر أخلص أوراقي من اخلاء طرف و استلام وثيقة التخرج و كتابة توصيات ؟
هذه عشان أسويها أقل شي يبغالي 3 اسابيع من بعد الإختبارات !!
و بسألك حبيبي انتا مخلص كم ساعة ؟
و تتوقع ان الطلاب الي يتدربوا في ارامكو لهم أفضلية أو توصية لما يتخرجو و يقدموا في ارامكو ؟
//
إن شاء الله يقبلوكي و في جدة كمان و بالتحديد في المساعدية
عشان لما تخلص دوام تروح "منش" و تشتري و بالعاااافية
|
اقسم بالله قهر كتبت كثيييييييييييييييير وفي الاخير طفى الجهاز لوحده اول مرة في الحياة
عموما انا مثلك اخر ترم ان شاء الله هذا
والاوراق لاحق عليها ببداية الترم الاول غالبا في الصيف تتعطل في اخلاء الظرف بسبب انه نص الي يوقعوا عليها طالعين اجازات
بس الوثيقة والتوصيات تخلص بدري ان شاء الله
ايوه اخوي في التوظيف تكون لك الافضلية في القبول مستقبلا كل متدرب عندهم يكتبون عنه تقرير خاص فيهم ما تقدر تطلع عليه في ملفك الي في ارامكو
يشفع لك كثير عند التوظيف لو كان تدريبك رائع عندهم
اهم شيء ضبط وضعك هناك واثبت نفسك وتعرف عليهم واشتغل وابدع وقدم على وظايف ارامكو في الصيف على وظيفة رسمية وضبط وضعك في الادارة عشان يطلبونك وتجي عندهم
وبالتوفيق ان شاء الله انا اخوي مخلص 137 ساعة
هذا كل شيء بالمختصر المفيد
اي استفسار اخر انا حاضر