السلام عليكم ورحمة الله وبركاته ..
بسم الله الرحمن الرحيم
و الصلاة و السلام على اشرف الانبياء والمرسلين..
يشرفني اقدم مجموعة من الاوسمة صممتها الاخت وينرار هدية لكل عضو كان مشارك معنا في الرابطة ..
انتو اللي رفع الرابطة وشرفنا ..انتو الاتي ..وفيكم يفتخر كل اتحادي ..
اعتزر عن التقصير الكبير اللي جاي من طرفي
واتمنى من كل قلبي ان الالقاب اللي حصلتوا عليها ترضيكم ..
فجزيل الشكر للأخت r_r اللي احرجتني بأعمالها وقروشتها بالتعديلات اللي كل شويا اطلبها..
على فكرة اي احد يبغى يسوي تعديل في الوسام حقو لا يتردد << يبغى ينجلد
امزح امزح ..
وابدا باول وسام لها مشكورة ..
ودا كمان هدية من بتصميم باسكن الله يديها الف عافية ..
دحين نجي للعضو اللي كان شايل الرابطة ورافعها فوق ..بتغطية مباشرة للأحداث وكل صغيرة وكبيرة في نادي العسل ..
اللي كان معنا من الافتتاح و ما قصر في يوم العضو خالد ~
العضو المثالي ..الفاهم بكل ما تحتويه الكلمة لنادينا
الاخ احمد ..
والمتفاعل دوما ..فهد ..
والقادم بجميل ما يقرأ
البرنس 11
الان مع الاخوات
ملاحظة : القاب الاخوات جميعها بواسطة وينرار يعني لا احد يتحسس او شي
واخيرا اهدي لنفسي اللقب الحلو دا وبكل فخر ..
طبعا السبب واضح ..وهوا انو اكتر الناس يقولوا ليا انت متعصب للأتي
واللي يقول انتا تشوه سمعة الاتحاديين واللي يقول ويقول ..
فاقصر اجابة حبيت اجاوبهم بيها هيا الوسام دا ..
اعتزر من اللي ما سوينا لهم اوسمة لعدم مشاركاتهم معنا بالنسبة للبنات فالاضافة كانت من عند وينرار
اما الشباب فكانت تنقية بواسطتي وان شاء الله ما اكون اخطيت في حق احد ,,
من دي الصفحة وعلى متن سفينة الذهب ..
وبعد وصول عدد المشاركات الى ما يقارب 2000 مشاركة ..
والمشاهدات الى 15 الف مشاهدة ..ماشاء الله تبارك الله ..
وبعد ما اثبتّوا يا اتحاديين انكم جمهور الذهب بأخلاقكم مع الروابط التانية ..
وبرقيّ تعاملكم وتشريفكم لناديكم ..زي ما الاتي افضل نادي اسيوي
..جمهورو ما يقل عن اللقب دا بشي ..
من هنا اطالب الادارة بجائزة افضل رابطة ..
حسب الاقتباس دا ..
فطالما كانت رابطتنا في المقدمة وطالما كانت تتلقى الردود الغير مرضية من الروابط الاخرى ..
وطالما فتحت مواضيع لنقد الاتحاديين واثارة الفتن ..في حين لم يكن احد اعضائنا يفعل ماشابه
بس قبل المطالبة احوب اقدم لكم اعتزالي للرابطة ورئاستها ..
مو لسبب الناس اللي تقول انت يالايف شوهت سمعة الاتي ..
ولا لسبب انو الطيب ابو غيث قال من يوم استلمت الرابطة ما فاز الاتي ..
فالحمدلله اخر النتائج جدا مرضية ومن حلو الى احلا يارب ..
تشرفت بالرئاسة وتشرفت اني اكون بينكم وقصرت في حق الرابطة
وتمنيت والله اني اتعرف على الشباب ..واقابلهم لكن مو مشكلة ..
طبعا حتكون اليومين دي اخر مشاركات ليا في المنتدى دا ..وحيكون دخولي نادرا جدا ..
رشحوا الرئيس الجديد ..طبعا انا ما حأصوت لاحد ..اعزروني من دي ..
ويشرفني انو انسحابي من المنتدى كامل يكون في رابطة الاتي ..
طبعا في اعضاء كتير تشرفت في معرفتهم و ناس ليهم جمايل عليا ..
بأختصار المنتدى دا ما حأوفيه حقو ..
رجاء خاص منكم لا احد يناقشني في خروجي وانسحابي ابدا ..ما ابغى احرج احد ..الله يرحم والديكم ..
في حال رجعت للرابطة والمشاركة فيها ..
اوعدكم بشي لنادي الاتحاد وجماهيرو عمرو ما كان لاي نادي سعودي قبلنا ان شاء الله
وابو رايش عالوعد ..
طبعا لو ما صار وعدي اعرفوا انو ما حأرجع
واعترز عالاطالة ..
ولا اوصيكم ابغى اشوف الرابطة احسن من كدا ..بـ300 مرة
ولا تنسوا تاخدوا جائزة احسن رابطة ..
و يا إتحاد الله معاك ..