[طموح أنثى ..]

القواسم المشتركه يعني العددين اللي معطينك هما كل ماتقسميهم على عدد يطلعلك الناتج بدون باقي
زي مثلآ المثال اللي بالكتاب طالبين قواسم العددين 72 و 48
اول شي تحليلهم بعد ماحللتيهم تشوفي الاعداد المشتركه بينهم يطلعلك 2 و 3 لكن مو معناتو انو بس هدول العددين
برضو في اعداد تانيه شوفي كيف تطلعيها ..
اكبر عدد بينهم القاسم المشترك لهم 3 بعدها تشوفي ايش الرقم اللي بعد 3 اللي هوا 4 تمسكي الـ 4 وتقسميها على العددين اللي بنفس السؤال 72 ÷ 4 = 18 طلع العدد بدون باقي بما انو بدون باقي تجربي تقسمي الـ 4 على العدد الثاني اللي مطلوب بالسؤال اللي هوا 48 ÷ 4 = 12 طلع برضو بدون باقي
بما انو الـ 4 قسمناهم عالعددين وطلعت نواتجهم بدون باقي
اذا الـ 4 قاسم لهم ..
اما اذا قسمتيهم وطلع الناتج بباقي معناتو مو قاسم لهم
وتجربي الاعداد اللي بعد الـ 4
اللي هوا 5 وتجربي تقسميهم عالاثنين لكن يطلعلك الناتج بباقي فالعدد 5 محى ينفع يكون قاسم لهم
وتجربي بنفس الطريقه للاعداد ممكن تلاقي قواسم كثيرررررة غير اللي موجوده بالكتاب

ان شاء الله تكوني فهمتي واذا في شي مو فاهماه اسأليني
دعوآتك =)