[نوارة جده]

بسم الله الرحمن الرحيم

اخواني واخواتي طلاب كلية العلوم مادري هل الكل عارف بدا الخبر ولا لا, نحنا كلية علوم وهذه الكلية تعتبر مهمة , معظمنا متوقع انه راح يتخرج ويعمل في مختبرات وله مسمى وظيفي لكن للأسف سمعت من شريحة كبيرة من الطالبات انه مالنا مسمى وظيفي بعد مانتخرج في ديوان التوظيف وهذا الشي اكيد مايرضيكم كلنا نطمح يكون لنا مسمى وظيفي ووظائف بعد مانتخرج لأنه مابندرس على الفاضي وهذا المسمى للأسف اللي هوا(( اخصائي مختبر)) صار لطلاب العلوم الطبية التطبيقية قسم المختبرات.
انا بقولكم انا بأيش ابغاكم تتطالبوا معايا اول بعطيكم مثال اللي هوا :

الطالبة اللي بتدرس التغذية في قسم العلوم الطبية التطبيقية لها مسمى اخصائية تغذية وبالمقابل اللي بتدرس تغذية في قسم الإقتصاد المنزلي لها مسمى فنية تغذية.

انا ابغا الكل يطالب انه يكون لقسم المختبرات مسمى اخصائي مختبر ونحنا مسمى فني مختبر
شي احسن وافضل من لاشئ

ابغا رأيكم في الموضوع وبناء على ذلك بقولكم بأيش فكرت اذا شفتكم اتجاوبتو معايا

ولكم جزيل الشكر لقراءة موضوعي

اختكم نوارة جدة