[TURKI ALharbi]

المشاركة الأصلية كتبت بواسطة خالد9921 بسم الله الرحمن الرحيم قبل كل شي احب انوّه ان كلامي راح يكون بعيد عن اي مذهبية او شيوخ انا طالب بالجامعه ... وبمنتدى الجامعه .. ما يهمني بهذا المكان والمقال غير اللي ذكرته بالنسبة للاخت بيو كيميائيه اول شي ماله داعي البعض يشن عليها حمله عنيفة بهالشكل وكأنها خصم لدود .. هاذي اختنا بالجامعه ,, وزميله لنا ,, وتشاركنا بمقولة لا اله الا الله ... وان خالطها افعال اخرى ! ادري ان البعض راح يستدل بإنه كان يرد على كلامها .. وإنه رده منطقي شرعيا .. الخ لكن انا ما اخوض بهالشي ولا انكره اذا كان الشخص على حق لذلك لا احد ياخذ ردي بشكل هجومي ويحسب اني جاي ادافع عن الاخت او معتقداتها بقدر ماني جاي انبّه على شغلات مهمه لاحظتها من فتره للاسف اعترف اكثر واقول ان اكثر من عضو جاني وقالي ترى بيو كيميائيه شيعيه انتبه !! وان اختنا هاذي فيه بنات كثير ما يبون يختلطون فيها او يتهربوا منها بالجامعه .. الخ وهذا بصراحه بصراحه فعل غير انساني للغاية وفعل اي واحد منا ما يقدر يتحمله .. ! وفعل بشع للغايه ماحد فينا يتمناه على نفسه .. ف كيف ترضاه عالآخريين وللاسف زميله لنا بنفس الجامعه مش من كوكب آخر ,, !! انا ودي اسأل شي واحد فقط ؟ هل انت ترضى الناس تعاملك مثل مافي طلاب وطالبات هنا يعاملون الاخت بيو كيميائيه بطريقه عنيفه جدا ؟ هل ترضى الناس تهرب منك وتتنفر منك وكأنك شاروون ولا إسحاق رابين ؟ بأي ذنب الاخت المسكينه هاذي تتعرض لكل هالحمله والتصرفات العنيفه ؟ بذنب انها شيعيه ؟ ياخي على راحتها حسابنا كلنا عند ربنا الله ادرى عنها وعن دينها ,, ! ثم ان الله ذكر بمعنى الآيه الكريمه ( ادعو الى ربك بالموعظه الحسنى وجادلهم بالتي احسن ) ما قال ادعو للتنفير وكراهيتها والبعد عنها والذم فيها وكأنها مجرمه ومصفيه دماء المسلمين ,, !! للاسف الشديد العنف هذا هو اللي يولّد الكراهيه بين المسلمين والطوائف وهو اللي يخلي البعض ينفر من السنّه ولا يمكن يصير سنّي ابداااا ابداااا بتقولي فيه شيعه يعاملونا بعنف فـ نحن نصير زيهم .. بقولك اوكي ليش احنا ما نصير احسن منهم ؟ مو احنا نقول طائفتنا وديينا هي الاحسن والاصح ؟ طيب ادعو الغير بحكمه وموعظه حسنه ,, ! الرسول عليه الصلاة والسلام حتى مع اليهود اشد الناس كفرا وعداوة للإسلام كان يعاهدهم ويتفق معهم ولا يجرحهم بأي كلمه حتى انه صبر على اذاهم ولا رد الفعل بالفعل .. لغاية بلغ السيل الزبى و آن للمعركة ان تقوم رفعا لراية الحق وليس راية شخص !! ثم ان اللي ماشاءالله عنده غير عظيمه عالدين وعلى مذهبه هاذي هي قنصلية امريكا بجده شارع فلسطين حي الحمراء عاد الامريكان احسن ناس ذبحو المسلمين ذبح بكل مكان بالعشر سنوات الاخيرة يلا وينكم ما تروحو القنصلية وتهاجموهم مو هاذولي اشد اعداء الاسلام علانيه وجهارا وبلا إستحياء ؟! غير كذا البعض الآن مفتخر بموضوع درع الجزيرة وهالافتخار يدل على حس وطني طبعا طيب ملكنا عبدالله ربنا يرعاه نسيتو انه راعي حوار الاديان والتقارب بينهم ؟ مو بس حوار الطوائف اللي كلها مسلمه .. الا حوار الاديان !!!! ونسيتوا انه قبل اسبوع استقبل شيوخ من القطيف واحلى جلسة ود وتفاهم والامور ميه الميه ! العنف دايما ما ينفع ونتيجته سيئه فمافي احسن من اننا نعامل الآخريين بهدوء واحترام ونحترم رغباتهم لانها شي راجع لهم بالاخير ,,, وعجبي على ناس تفتخر بالوطنيه وتهاجم بعنف في حين ان ملكهم ضد هذا العنف ,, ! مشكلتنا للاسف اننا صرنا نسخر كل قوانا وعقليتنا لحرب المذهبيات وللاسف ان فيه لغه معينه من التفاهم تفقدنا الغير وتفقدنا هدايتهم للصواب اللي نشوفه ,, اما زميلتنا هاذي فـ صدقوني الحمله هاذي اللي عليها غير إنسانيه للغايه وما راح تولّد بذهنها الا ان السنّه ناس عنيفين ولا عندهم تفاهم ولا احترام للآخر وبالتالي نكون بـ كذا شوهنا ديننا دين التسامح وتليين القلوب وتأليف القلوب لإعتناقه .. غير كذا انا شخصيا كنت اعرف طالب العام الماضي بالجامعه شيعي للاسف الكل كان يتهرب منه ويتكلمون من ورا ظهره بالهمز واللمز قررت اني احتك فيه واشوف اخلاقه وتعامله ... لقيت انه انسان طبيعي حاله حال نفسه لا يتكلم على احد ولا يغلط على احد بالعكس شخص طيّب ويتعاشر ولا يجي منه الا الخير ابن حلال وربنا يشهد ,,, فالتعامل الطيّب هو الاساس بنجاح العلاقات الانسانيه وحتى التأثير عالآخريين بأفكارك اما العنف هذا صدقوني ما يولّد الا غيض فوق غيض وتشويه لمذهبنا قبل ما يكون تشويه للغير .. اما الاخت بيوكيميائيه فأقولها لا بأس عليك وللامانه هاذي العضوه من خيرة الناس اللي شفتها تساعد الاعضاء بقسم كلية العلوم .. الخ لا بأس عليك وفينا العقلاء اللي قادر يتفاهم معك بلين وحكمه ان كان حبيتي تناقشي باللين والحكمه احنا حاضرين ونتشرف وان ما حبيتي نحترم معتقدك وامرنا كلنا إلى الله هو اعلم الخالقين ولا احد يأخذ ردي انه تهجم عليه .. بقدر ما حبيت اوضح نقاط مفروض ما تغيب عننا خاصة اننا طلاب جامعه وحده وكل واحد فينا ما يرضى يتعامل بهالطريقة السيئة اللي يتعامل البعض فيها مع الاخت بيوكيميائية وفقنا الله لما يحب ويرضى ...

+1
لكن الاخت بيو في موضوع اخر اقفل كنا نتكلم فيه عن دور ايران في زعزعه استقرار البحرين وعرضنا فديو وصور للقتل والترهيب من ابناء الشيعه لابناء السنه
فجاءت وتكلمت بطريقه استفزازيه غلطه على اغلب المشاركين في الموضوع واظنك لو شفت الرد انت بنفسك بتزعل انا معاك ان البعض قسى في الرد عليها لكن هى من بدا بالقسوه
لكن مع ذالك يبقى لنا اصدقاء كثر بالجامعه شيعه وعادى اصحاب لا ننفر منهم بل على العكس والله انهم رجال بغض النظر عن معتقدهم الى انا مختلف معه 100 % والله اغلب من يردون على بيو مايردون الا لاجلها وليس لتشهير فيها او شيء اخر ممكن اسلوب البعض منا شوى قاسى بس رد بيو بالموضوع الى اقفل كان جدا قاسي
وسلامتكم