[بلاحدود]

.
.السلام عليكم

انا شفت اسئله كثيره بخصوص اختبار المفاضله وانا لاني "كنت" دافوره في قسمي ولمن تخرجت طلبوني لاختبار المفاضله لوظيفه معيده فكنت بتجنن لمن سألت وحده من استاذاتي قالت لي ذاكري كل اللي درسته في الاربع سنوات ..!!

وتروح اختكم تجمع كتبها وبسم الله مذاكره ..طلع بعدين ان الاختبار قسمين عملي ونظري واستبعد يكون عندكم عملي لان يبغاله ادوات ووقت لايقل عن 5 ساعات ..

المووووهيم ..دخلت الاختبار النظري وصراحه كان سههههل جدا بس الشيء الوحيد اللي قهرني انهم طلبو مني ارسم بترون لغرزه في تخصص النسيج وانا مادرست هالتخصص بتاتا لاني كنت تخصص خزف ومعدن فما جاوبت على السوال وكتبت بكل ثقه " لم تتم دراسه هذا التخصص " ومن بعدها ماعاد شفت نتيجه للموضوع واخذوا الطالبه الثانيه بعدي في الدفعه اللي كان تخصصها نسيج وصارت معيده الله يوفقها يارب ..ووووبس ..

فلا تخافون اكيد اختباركم بيكوون جدا سهل ..حبيت انقل لكم تجربه مشابهه وطبعا الافضل تسألون استاذه اودكتوره بالقسم راح تفيدكم اكثر..

على فكره كانت الاسئله مقاليه ..يعني مثلا اشرحي طريقه الطباعه على النسيج باستخدام الوان الطباعه , او اشرحي طريقه الصباغه بالعوازل وزي كذا ..

اكيد كثير بيسالوني عن كتب ..بصراحه الكتب النظري ماستفدت منها لانو ماجاء منها شيء بس يمكن تخصصات التغذيه يحتاجون كتب لان كل دراستهم تعتمد على الكتب احنا كنا نعتمد على شرح الاستاذه لان اكثر شغلنا كان عملي ..بس ممكن تفيدكم الكتب عن (تاريخ الفن) و كتب ( النقد الفني) وكتب ( طرق تدريس التربيه الفنيه) بقيه المواد النظري كانت دقيقه ما اظن تجي منها اسئله لانه بيكون فيها ظلم لانها ماتنفع لغير المتخصصيات واختبار المفاضله هدفه بس تحديد مستوى بالعام

الله يوفق الجميع ودعواتكم لي انقبل ..