[المعالي..]

السلام عليكم ورحمه الله وبركاته ..
انا دخولي قليل جدا للمنتدى وشكلي جايه متاخر لكن اول مادخلت لقيت موضوعك وقلت ارد عليك فالمعذره اختي ..

طيب شوفي حبيتبي انا باقي مادرست الماده اللي تقولي عنها .. وراح اقولك المواد السهله اللي درستها طول المده اللي راحت ..
عندك السيره النبويه والخلفاء الراشدين هاذي الماده حلوه ومن ثقافتك العامه مررررا حلوه وسهله عن الرسول واصحاب الرسول وكذا يعني في اشياء كثير نعرفها عن الماده لانها اصلا ماده تقريبا معلوماتها درسناها من يوم حنا صغار

كمان فيه ماده المغرب والاندلس روووووووعه مع استاذه وفاء رحيلي الماده حلوه لانها مع استاذه وفاء يعني اذا مع غير استاذه وفاء لاتاخذيها ..
وانصحك لاتاخذي تاريخ المملكه الحديث مررررررره دسم دسم وبيتتتتعبك مره وكمان تاريخ المملكه المعاصر نفس الشي دسم ..
كمان الدوله العباسيه حلوه بس اذا بتاخذيها مع استاذه وفاء الرحيلي خذيها بس اذا مع غيرها لا لاتاخذيها ..
اللي تسأل عن المشرق العربي الحديث ايوا حلووووه بس صراحه دسمه شوي بس خذيها مع سعديه الافغاني
واللي تسال عن مناهج البحث العلمي في التاريخ تراها متعبه فيها شغل وروحه وجيه وكتب وبحث ومدري ايش ..

وملاحظه بسيطه خلوها حلق في وذانكم للي يسأل دااااااايما عن المواد السهله بالتاريخ
انا اقولكم التاريخ مافي شئ سهل زي المويه صراحه اغلب اغلب المواد دسسسسسمه ويبغالها مجهود كلها حفظ وتركيز عشان تقدري تحفظي لازم تفهمي .. واصلا الماده تكون حلوه وسهله او العكس ع حسب الاستاذه صدقوني والله والله ع حسب الاستاذه اللي بتدرسك لو انها اصعب ماده بالكون بتخليها سهله واذا الاستاذه معقده لو اسهل ماده بتخليها صعبه ..
وبالتوفييييييق لكم ..
ان شاء الله اكون أفدتكم دعواتكم لي ..