رد: البنات الي اختبرو فيزياء تفضلوا هنا ..
وعليكم السلام ..
ماحشوف ردود البنات عشان لايكونوا حاطين أجوبة للأسئلة الي خايفة منها فلو كتبت سؤال مكرر معليش هع
ولو سمحتوا لاحد يخصني بالاسم ويقولي ترى تصحيح الجواب دا كدا كدا ،، صححوا بعيد عني xP
الاختبار كان حلو الحمدلله ،، ماهو سهل مية مية بس 74% جيد
في سؤال معطينكم 4 رسمات ويقولك أيت رسمة تطبق : C=B-A
طبعا الرسمة الي تغيروا فيها اتجاه السهم حق A ويكون اتجاه الاسهم متسلسل
في جمع المتجهات و طرحها امممم في سؤال عبيط من الأسئلة الي زلزلت كياني xP
انه جايب معادلة 25m i + 45m j ويبى الزاوية مابين الخط دا و محور اكس الموجب
وكان في 29 ، 61 ، 209 وحاجة تانية أعتقد 125 أو شي زي كدا
اممم في سؤال كمان انه أيت من الاحتمالات التالية مستحيلة الحدوث ؟
حطيت انه لايمكن تكون السرعة ثابتة والتسارع متغير
في سؤال بيقولك انه سيارة بتمشي بالسرعة الفلانية وفي قيمة للتسارع وبعدين فجأة وقفت السيارة للحظة
في دي اللحظة كم كان التسارع ؟ عن نفسي حطيت صفر xP
و في أسئلة كتير الحمدلله كانت واضحة وعلى طول بتعوضوا بالقانون ويطلع الحل
في أسئلة الي هو تجيبوا المشتقة الأولى مثلا وتطلعي قيمة الـ t عند قيمة معينة
أو أحسبوا التسارع اللحظي ،، في سؤال انه جايب وحدة Km/s^2 ودي وحدة ايش ؟
في سؤال انه بني آدم ماشي 42 كم لمدة ساعتين و 57 دقيقة ،، فماهو معدل السرعة ؟
وفي سؤال طالب مساحة المستطيل ،، بس لازم تغيروا الوحدات وتخلوها كلها m
في كمان يقولك اش الوحدة الي تساوي 1000
milli - mega - centi - kilo <~ حطيت ملي :$
و يقولك 10 أس -3 = كم ؟ ،، حتساوي 0.0012 أعتقد ،، هيا بالحاسبة حتطلع ان شا الله
في كمان سؤال انه جايب صيغة قانون وبيقولك قانون ايش دا ؟
جوابه كان Average Velocity إزا ماخاب ظني xP
في كمان جايبين أعتقد نصف قطر دائرة وطالبين الحجم
هم أوريدي حاطين القانون V=4/3 pi.r^3
ولو افتكرت شي تاني مهم حجي ان شا الله xP
وركزوا على الاختبارات حقت أول ترى صيغ كتير جية زيها
وربنا يوفقكم يارب
(: !
|