[الملاك الأبيض]

مرحب بنات كيفكم ؟
يوم الخميس خلصنا مادة الريدينق الحمد لله وحلت معنا شوية تمارين وانا نزلت لكم بعض الحلول في المرفقات وبعدين تكلمت عن الاختبار وقالت انو كتاب الريدينق والفوكابلوري كلهم معنا وانو في الاختبار راح تجيب قطعتين وكلهم من برا الكتاب بس احنا طلبنا منها انو تضع القطعتين في ورقتين والاسئلة في ورقة لحالها وهي وافقت وإن شاء الله تسوي هذي الطريقة في الاختبار حتى توفر علينا الوقت بدل مانجلس نقلب في الاوراق وندوخ . وطريقة الاسئلة على الكلمات اللي معنا انو تسئلنا عن نوع الكلمة وايش الاضافات اللي مممكن تتغير معها الكلمة لنوع ثاني لكن لن تحضر لنا تعريفات للكلمات . والقطع طبعا الاسئلة اللي عليهم زي اللي في الكتاب والاجوبة نطلعها من القطعة وحاولوا لما تقروا القطعة في الاختبار حاولوا تستخدموا مهارات الاستطلاع والبحث السريع بين الاسطر على المعلومات المطلوبة حتى مايضيع الوقت وبس هذا تقريبا كان كل شي عن الريدينق تفضلوا المرفقات وربي يوفقنا جميعا .