[شمس العالم]

السلام عليكم

زماااان عن التجمعات ..

انا الحمدلله دخلت اختبار السنة اللي فاتت والحمد لله بادرس ماستر ..

بصراحة بصراحة

المراجع دي كانت قبل سنتين

دحين صار الاختبار ما يمت باي صلة بدي الكتب

كان الاختبار مقسم ( دقيقة - حيوان - نبات )

بالترتيب كدا

وكلها معلومات عامة .. بالنسبة لان تخصصي مايكرو فحسيت الاسئلة كانت حلوة من معلوماتي العامة

لكن لاني ذاكرت من المراجع دي فقط .. كان جزء الحيوان والنبات في صعوبة عليا

كانت سهله بس للي درسوه او كان تخصصهم أو كانوا يحبوا الاطلاع >>> مو زيي

لانها كانت عامة ..
افتكر النبات كان فيه اشياء عن البذرة والزهرة والبتلات يعني افتكر مرت عليا في نبات عام بس طبعا الذاكرة نظيفة

والحيوان .. كان في شي عن البلاستولة مدري الجاستورلة ( مدري اسمها كدا ؟؟) المهم كان في كذا سؤال حولها

يعني ماكان في اشياء مبهمة او اشياء دقيقه

يعني بالمختصر افضل المراجع هيا الكتب العامة لكل قسم ..

والاختبار ان شاء الله مافيه خوف

والله يوفقكم و يعينكم ويسهلكم قبولكم

::