يمكن ربي ما ابتلاكم تعيشوا ف غير بلدكم
لكن احنا ربي ابتلانا انو نتولد هنا ونتربى هنا
ونفتح عيوننا ع السعودية وماشفنا قبلها بلد
سافرنا بين دول المملكة .. رحنا المدينة مكة الطائف ابها ،، الاغلب عمره ماراح اليمن
اشترينا هنا لعبنا هنا تعالجنا هنا
لدرجة انو حبينا السعودية كانها وطننا ،، وبالفعل هيا وطننا >> لاحد يقول كذب
اصلا مانعرف دولة غيرها
واذا ف يوم رجعنا اليمن ! حيكون حنينا كله للسعودية ( الوطن الاول لطفلة عاشت فيها )
لكن للأسف لازم نلاقي كلمات تجرحنا وتحسسنا انو احنا اغراب و ثقيلين ،،
ع العموم الله يسامح كل واحد تعامل مع غير السعوديات بانتقاص او بمثله ،، وربي مايظلم أحد
يااااااااااااارب زي مو الكل فرحان اليوم ،، يااااارب انك تفرحنا باي شكل من الاشكال وماتخلينا مكسورين الخاطر قدام فرحتهم
يارب واطرح البركة في مكآفآتهم
|
نسيتي تقولي شي
اننا اشتغلنا وكافحنا في السعودية وبنينا وعمرنا ومانزلنا فلوسنا لبره زي الهندي والمصري وغيره
وغيره ..يعني فيه عطاء من جهتنا كمان محنا قاعدين ببلاش ..
وغير كذا احنا بيننا وبينهم دم واحد و جيران بيننا حدود عسى ربي لايجعل هذي الحدود في قلوبنا زي
ماهي في اراضينا ..
الحمد لله تخرجنا من الجامعة والله يخلي اهلنا المكافحين ورحمة الله على الملك فهد اللي اعطانا فرصة نكمل بمجهودنا وجزاء لتفوقنا ..