[Dr~NanoOok]

المشاركة الأصلية كتبت بواسطة مـــلآك السلام عليكم وورحمة الله وبركاته دحين ايش الفرق بين موزونه الكليه والنسبه الخاصه للكليه ..؟؟ السنه الي فاتت كانت موزونه الكليه 93 والنسبه الخاصه للكليه 85 يعني الي مجموع موادها المطلوبه قسمة عددها = 85 انقبلت ؟؟

وعليكم السلام والرحمة

النسبة الخاصة تعتمد على درجاتك في مواد معينة وهي: الانجلش و الكيمياء والفيزياء والاحياء

وهناك نسبة عامة لدرجاتك في كل مواد السنة التحضيرية

والقبول في الكليات الصحية يكون على اساس النسبة الخاصة
بعدين ينظروا في النسبة العامة للطلبة

وبتختلف النسب من سنة لسنة حسب معدل ومستوى الدفعة ككل



----------------------------------------------------------------

السلام عليكم ،، عندي استفسار عن طب الأسنان ،، هل تعتمد الدراسة في بشكل كبير على الحفظ ،، لأنو أنا مرا سيئة في الحفظ وأحب الفهم والأشياء العملية ،، لأنو بصراحة لمن دخلت عالمواضيع حقت طب الأسنان وانو عيادات وأشياء عملية اتخيلت نفسي في ومررررا حسيت انو حلو ،، بس يعني أبغا أعرف إذا أقدر أمشي في ولا لا ...؟ وشكراً ،،

وعليكم السلام ورحمة الله

الحفظ لابد منه.. وللامانه فهو كثير في كل تخصصات الطب عامةً
لكن الحلو في تخصصنا أن اغلب المواد بنطبقها عملي.. وعلى طول بعد ماناخد النظري حقه
وبكده يركز المعلومات اكتر ويخلينا نفهمه بشكل احسن

لكن لازم تكوني حافظة المواد اللي بنستخدمها وايش خصائصها عشان تقرري متى وفي اي حالة حتستخدميها
وفايدة كل خطوة عملية لما تعمليها.. وخطوات كل شي

واحنا كطب اسنان حنتخرج اطباء وليس فنيين
بمعنى انه مو كل شغلنا بس عملي

عندنا تفاصيل مره اكثر.. يبغالها دراسة وتحليل للحالات واستنتاجات
عشان كده لازم نكون فاهمين وعندنا معلومات كثير نقدر نستدعيها لما نحتاجها.. عشان كده بنحفظ معلومات كتير


----------------------------------------------------------------

السلام عليكم كيفكم يا دكاترة ..؟؟ بس حابه اسأل سؤال بسيط وصغير ,, اي قسم نسبة قبوله اعلى طب اسنان ولا طب بشري ؟؟

عليكم السلام

بالنسبة للبنات
طب الاسنان اعلى من البشري في القبول

اما عند الشباب
البشري اعلى