[مياسة العود]

عمرهم محى يعترفوا بالعلوم

تخيلو بس انه في كتيب ارشادي للسنه التحضيريه عن التسكين ومتطلبات القبول

كل الكليات شارطين معدل قبول ودرجات معينه في مواد معينه من 90 او من 80 فما فوق

حتى الاداب وحتى الاقتصاد المنزلي طالبين معدلات لاتقل عن ......بصرف النظر عن المعدل

الا العلوم اهم شي يكون ناجح في كل المواد يعني لو معدله 2 ينقبل بالعلوم

ودا الشرط الوحيد

ود اكبر دليل كلية العلوم لا أهمية لها

شايفين القهر.. نظرتهم للعلوم مكان للفشله (اعذروني على دا اللفظ)فعشان كدا نخليه لطلاب اقل معدلات

(اعذروني برضو مافي طالب فاشل بنظري) لكن اروي نظرتهم

ماكلفوا حالهم يحطو شروط قبول زي بقية الكليات

......فاصل اعلاني

الحمدلله اتحطمت من زمان ودحين صحيت

الكيميا حيوي باب لكل وحده طموحه تبغى تسير ساينتست وباحثه بالمجال اللي تحبه

لا تستني الوظيفه ولا المسمى و الاعتراف

ولا تجري وراهم لأنهم هم اللي حيجروا وراك

اتأكدي انه البكالريوس مو نهاية المطاف

وفيه ماستر وفيه دكتوراه كملي

ولا تخلي طموحك المختبرات خلي طموحك مكتب فخم في مركز ابحاث وليش مركز ابحاث

ليش مو مستشفى عالمي مرموق ليه مو جامعه عالميه معروفه ليش لا

وعلى مكتبك مكتوب د.طالبة كيمياء حيويه








لا تيأسوا.. أنا طالبة كيمياء حيويه :)