انا 2 من صحباتي كانوا في المطرف وحدة في البساتين و التانية ناسية بأي حي , و حدة منهم قالت انو السواق يعاكس و اخلاقو مرة زفت ,و حولت عالخالد ..
انا عن نفسي من حي الربوة و صار ليا 3 سنوات مع الخالد و دحين اختي معايا و مرتاحين ..يعني الامر نسبي و مختلف مانقدر نعمم
اذا انتي من النوع اللي يدفع الرسوم اول بأول , وتعبي الجدول و تتصلي قبل الموعد بيوم مثلا و ماشية تمام الكل حيكون تمام معاكي , لكن في بنات يأخروا الرسوم ومايدفعوا بدري و بعدين لمن يعصب السواق يقولوا اخلاقو زفت او البنت تتأخر وماتنزل بسرعة او عالظهر تتصل وتقول للسواق لا يمشي و تلطع البنات 5 دقايق زيادة عشان حضرتها تشرف للباص و معروف انو نظام الباص و المواعيد مرة واضحة ومعروفة و لمن يرفض السواق ينتظر تعصب و تسوي فيلم هندي و هيا الغلط راكبها