[التواقه لله]

السلام عليكم ورحمة الله وبركاته
يادكتور عماد معليش سامحني بثقل عليك فيريت تتحملني جزا ك الله خير
يادكتور انا ودي اسجل دبلوم تربوي وبصراحه ظروفي ماتسمح لي اني اداوم كل يوم ودورت في النت ولقيت جامعات كثيره اجنبيه وباسعار تكاد تكون مناسبه لي وخاصه عندهم ماجستير في التربيه العامه
ولقيت انسب جامعه لي هي الجامعه العربيه المفتوحه لشمال امريكا بس الي مسوي لي قلق هو
1-
هل هذي الجامعه معترف بها في السعوديه وخاصه للوظائف الحكوميه
2- هل اذا درست ماستر في التربيه تغنيني عن اخذ دبلوم تربوي بما اني خريجة جامعه غير تربوي
3- هل اقدر اكمل بعد كذا دكتوراه اذا بغيت
4-هل اقدر اقدم تخصص غير تخصصي
يريت تفيدني لاني طفشت من حياتي بدون فايده ودي اتعلم واتوظف انا خريجه لي سبع سنوات وقدمت العام الماضي ماستر واختبرت وماارد الله
وكل ماقدمت في المدارس الاهليه يقولوا لازم خبره والحكومي لازم دبلوم تربوي اناتخصصي تاريخ والله مو عارفه ايش اسوي وخاصه العمر يجري فينا
لكن الحمدلله على كل حال
سامحني مره تانيه على الاطاله واسال الله ان يعلي مراتبك ويفتح لك خزائن الارض انت والجميع