[عبدالله الAL-HARBIحربي]

ما باقي الا الدمعة تطيح واصيـح


بلوا عسى الله لايجيـب البـلاوي




دافعتها واخطت طريق السواميـح

وتعثرت بين الرجـاء والمنـاوي



ومسحتها لاتبين للناس واتطيـح

وتفظح خفى قلبن من الضيق ذاوي



لو ان حدب ضلوع قلبي مجاريـح

مسحتها من خوف بعض الحكاوي



اخاف تلقفهـا عيـون المشافيـح

وتروح من راوي على لسان راوي



اخفيتها لاتروح من دون تصريـح

وتضرب لها دربن بعيـد نحـاوي



والورده اللي تحت سقف ومصابيح

ذبلت قهر عقب انقطاع الرجـاوي



ودفنتها بيـن النواييـر والشيـح

وبكيت قبل تروح عنها الخطـاوي



عقب النسيم وصافيات الصحاصيح

ثارن عليَـه مخلفـات الهقـاوي



مثل الجبال السود جنـي مدابيـح

ولاغدن مكان ولامشن بالحـراوي



على الهدف تمشي الليالي الذوابيح

وعلى مكاوي العام زادن مكـاوي



وآقلبي اللي بين هـم وسواميـح

لاهو بلا صابـر ولاهـو بقـاوي



مثل السفينة بين الامواج والريـح

لاخانت القبطـان كـل العـزاوي



تلعبي همومي سـوات المراجيـح

واعيش مع همي وحيدن خـلاوي



واصك بابـي واقفلـه بالمفاتيـح

لان الجريح احيان مالـه مـداوي



مالي بدمع مثل دمـع التماسيـح

بوجيه لاترحـم ولا هـي بتـاوي



على مصايب ناس قامت تشاليـح

وعلى حلال ايتام كبرت مضـاوي



لاتشتكي للناس همـك ولا تبيـح

وخل الامـل بالله حبلـه رهـاوي



والدمعة اللي باقي شوي وتطيـح

مستحها من خوف بعض الحكاوي

مما راااااااق لي