[shaden]

المشاركة الأصلية كتبت بواسطة قوربتشوف ^ ركزى مع الجنس ايش مكتوب قدامه اولا ثانيا انا واحد من الناس مارضى اختى او امى تركب مع اجنبي هو عند بعض الناس عادى بس عندنا لا والفين لا ايش لزمه وجودنا اذا مانقوم بخدمه اهلنا البنت كل يوم تكون اخر طالبه راكبه في الباص يعنى لوحدها معاه اكيد البنت حكه لاهلها انا دائما تكون اخر طالبه لازم جاء يوم وقالت دي الكلمه فين غيره الاب والاخوان على اختهم مع غريب ولوحدها ؟ بنهايه انا ماقلت ان كل بنت تروح مع سواق غلطه معاه

طيب نعتذر يا عزيزي ما ركزت زي ماقولت

طيب والظروف الي تحكم الناس حضرتك ماتدري عن ظروف الخلق

والدي دائما مسافر أخواني شغلهم خارج مدينة جدة كيف نتصرف في دي الحالة نوقف حياتنا ونقول لا كيف تروحي وتجي مع أجنبي


كمان مثال قريبتي متزوجة وحاليا ماشالله بتحضر الماجستير ومن أول سنة في الجامعة وهي مع الباصات شركة معروفة يعني مسؤولة عن نقل الطالبات ومحترمة جدااا مواعيد محاضرلتها تتعارض مع مواعيد شغل زوجها كمان إيش تعمل ... توقف مستقبلها


وبعدين حكاية انه البنت أكيد حكت لأهلها الي لازم تعرفه يا أخي الفاضل أنا كنت معلمة في يوم من الايام

وكنت اسمع اشياء عن البنات اقول فين أهاليهم عنهم ولللأسف الاهالي في وادي والبنت في وادي تاني


دي وجهة نظري ودا الواقع أخوية الفاضل كل إلي اتمنى وطبعا ما اقصد أحد معين يكون تفكيرنا أعمق من كدا ....

شادن