والله الذي لا اله الا هو اني مااتبلى عليهم وازيدك من الشعر بيت ترى اللي قالت لي الكلام هذا نعطيكي مهلة 3 اسابيع عشان تفكري سعودية واسمها(نجاح العشري) وللامانه ممنوع النقاب داخل الكليات والمكتبه لاكن داخل الحي السكني تقدرين تلبسيه صدقوني ياجماعة مايحس بالقهر غير اللي جرب الموقف هذا البنات اللي كاشفين وجهوهم خارجين فرحانين واحنا اللي متغطيات اصبنا بذهوووول ووحده فينا بكت من الاسلوب الاستفزازي اللي اتعاملنا فيه
واناوالله ماكتبت الموضوع الا عشان البنات لا يقعدون يتاملوا ويفكرو بهذه الجامعه لاني بصراحه حسيت اني انخدعت لانه استراتجيتهم حقيره يخلوكي تقدمي الطلب والابلكشن صفحات ويطلبون فيها سي في واس اوبي (هدفك) وتوصيات من الدكاتره اون لاين طبعا شوفي المرمطه من دكتوره لدكتوره واللي ترضى وتطنش واللي تقولك ماني فاضيه واللي ربنا هاديها ومصليه عالنبي وتسويلك هيا وكشف درجات بالسكانر وترسلي كشف الدرجات الأصلي بالبريد وبعدين اخدوني رحله عالجامعه وطبعا بعدين تستنين التصفيه ولو طلع اسمك مقبوله مبدئيا تروحي مره ثانيه ويختبروكي انجلش اول شي ريدينغ وفوكابلري وقرمر وبعدين لسننغ ورايتنغ وبعده سبيكنغ وبعده انترفيو اسئله تحقيق ولاكانك في الشرطه لدرجة تسالك عن ابوكي واخوانك كل واحد فيهم ايش يسوي و بعد التعب هذا كلو من الصباح لين العصر تقولك انتي مقبوله بس ماتقدري تداومي بهذا الشكل تساليها ليه تقول لازم تشيل الغطا ممنوع داخل المنطقه التعليميه ونعطيكي مهله تفكري يعني يخلوكي لين توصلي للنهايه بعدين يقولولك عشان تقولي خلاص طيب