[متعب القلب]

لاصرت تنشد يارفيقي .. عن الحال
................... مالي على .. كتمانها عنك .. حيله

الصبر عن بوح الاحاسيس .. قتال
........................ والبوح في بعض المواقف ، فشيله

لو كل مايطري على البال ينقال
.................. ماكان شفت ان الثقيله .... ثقيله

ابطيت اكافح ضيقة البال بالبال
................. وادفع بلا .. هاجوسها كل .. ليله

لين اقبلت مثل .. السحابه بهمال
........................ تشفي غليل اللي .. تزايد غليـله

مابي .. تناقلها هل القيل والقال
..................... .. وتصير من بعد القصيره .. طويله
اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله

أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله

من كثر ماشفت بحياتي من انذال ....!!
............... بديت اشك ان النذاله ... فضيله

ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

اقرب من اللي قالهم ضمن ماقال .. :
..................... راكان بن حثلين .. راعي الجزيله

( هذا .. ولد عمٍ ، وهذا .. ولد خال
.................. وهذا .. رفيقٍ مالقينا .. بديله )

سبحان منهو يابدر غيّر الحال ..!!
.................... .. وحط الجفا بين الخليل .. وخليله
هذا الزمن يبغاله .. لسان دلاّل .. !
................. .. من يستحي هالوقت .. واعزتي له

وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!

ومن كان ساسه للردى مضرب امثال
................. .. اليوم .. يحسب من كبار القبيله ..!!

المال .. يابن حنيف ملعون .. ابو المال
........... // .. ذل العزيز .. وعز .. ناسٍ ذليله ...!!

حبيت هالابيات .....

ياشباب مايصير كذا البنات غلبونا عندهم تحديد النجلش 102

وحنا مو عارفين ايش اللي لنا وعلينا شدوا حيلكم يالذيابه ..

وبالتوفيق ,,,, محبكم متعب القلب ,,,,