[aoud_007]

[quote=نـــاصرالعـــنزي;4009623]

المشاركة الأصلية كتبت بواسطة aoud_007 هلاااااا أوغلاااااااااااا ............والله ماعندي غير الحلا أنت حطيت موضوع تبي النصيحه ...؟ وانا واعوذ باالله من كلمة أنا ....بريت ذمتي ـ أوعطيتك رغبتي... وزياده على النصيحه ... لا قال الله وكبر الفجر ...قم تعوذ من ألشيطان ...وعلى طول بدون تردد ...غسل يديك أو وجهك ...واركض على الدله ...أوحط فيها ألقهوه خولاني الأصلى((ولا هوبكيد أتحصلها بسوق صافيه 100% لا بد من يشركونها أبنوع ثاني محموسه وسط )) ـ والعويدي الي لا هو أسود مفحم ولا بحمر يعطي كذى أوكذى...وقليل من الزنجبيل القصيمي..والهيل الهندي الي حبته خضرا أومنتفخه (مطحون وسط يفضل)...كلهن مره وحده ...أوصب عليهن ماء أوحط الدله على النار تكون تقريباً ربع سنتمتر ..أو جب البريق ..أوحط فيه سكر أو شاي الربيع الفله ...أوحبق حايل ... وحط فيه ماء ..أوحطه مثل الدله على نار ربع سنتيمتر... ثم .............أقمز ...مثل الذيب توضاء ببطئ شديد مع التهليل والذكر ... والبس لباسك ..ورح للمطبخ ...شل البريق أوحطه جنب الدله بضبط على نار وحده وأقصر لنار خلها ربع ربع سنتيمتر .. ورح للمسجد ,,, ,وانت تمشي باألطريق ...أرفع يديك ...أو قل يارب يارب المعونه.. ولا تنسى تقول ياألله تجزا ناصر العنزي كل خير.. ولا صليت أورجعت ... ألدلتك وأبريقك ...شفت الدله ..يطلع البخار من فمها ..كنهه (السان حيه...والبريق كذاللك )... أعلم أنه حان وقت تناول القهوه ...خذهن للمجلس ...أو جمع المراكي كنهن طاوله ..أونزل الثوب والشماغ خلك بسروال السنه والفنيله العلاق..أو طف الجوال....أوحط البريق والدله مع تميرات أخلاص القويعيه.. يحبهن قلبك ((كنهن جمر الغضي في ليلتن خرمسيه (( يعني شديدة الضلمه))بأول الوسم..يعني برد))... القط تمرتين دفعه وحده وامضغهن جيداً...لا تنسى الفصم..أنتبه ...تروح تدعي علي...لا.. ألله يرحم والديك ...أنتبه ...(( دعابه)) واذا ذابن اتميرات ...وراحن مع طريق رفحاء الي راحو فيه بشر .. أنضر الدله ..أو صب لك فنجال شمته تقعد النايم ...والثانيه التنبه الغافي ...والثالثه ثابته ..حط الفنجال ... والقط البريق أو صب بيالة عده نسم مدعوجة العين ...((الزوجه للمتزوج والحور لهل الجنه ))....لا أحد ينقد علي ... وانت أتشفشف البياله والكتاب قدامك ... توعده باأنك جايه الدور ...أصبر أوريك ... يعني بتعبني .. والله أتعجز ... أن ما وريتك شغل الله ...أمدوخ الطلاب وامتعبهم على وش يا حبيبي ..كلامك عربي ... أو نا ..العروبه دمي والحمي... واليا أخلصة البياله ألحقها بكاس ماء ... أوخذ نفس عميق ... أوقل ياالله المعونه ...وأفتح الكتاب أوذاكر وكتب العناوين في أورقه خارجيه علشان ...أتسكر الكتاب وأتعلق على المواضيع الي قريت.. وفي الصحه والعافيه .. سامحنى كان زلينا ... أو أخطينا

يازين كلامك يا اخ ناصر وجعله في ميزان حسناتك ولا يرد لك طلب انت تامر وحنا نطامر شورتك وهداية الله وبتوكل على الله وباخذها كلها في يوم واحد وربنا يسهلها لنا وياك قول امين.
تحياتي لك