[ابو رهف وراما]

ثلاث مرات هذا علاج مو اختبار ههه

لاتشيل هم لو اقولك انا صار لي اربع اترام لازم ينزل عندي اختبارين في يوم واحد آخرها الترم الماضي نظم معلومات ادارية + تنمية موارد بشريه اذا ما ني غلطان بالاسم وحمد لله تساهيل من ربك والله مو شطاره
المصيبه هذا الترم بعد ما نزل الجدول افرك عيوني مره ومرتين واقول غريبه معقوله ما عندي اختبارين في يوم واحد اكيد بتقول لي الصبر مفتاح الفرج مع العلم ان فرج صار يفتح سيارته بالرموت
ماعلينا بعدها بيوم اعتقد نزل موضوع اخونا قود مان بخصوص مادة التاثيرات النفسية وانا من الناس اللي اخذتها حره طبعا بعد موضوعه لازم اغير الماده واخترت الراي العام ولا ميسي يجيبها في المقص العلوي
و بعد ما شفت الجدول طلعت بعد صلاه الظهر تخيل ما يخافون الله مع القايله اي راي ينفع في هذه الشموس
وبعدها دايركت بعد صلاة العصر على طول دراسات ادارية معاصره يعني طالب ثانوي
مدري احد معلمهم اني ما ارح اصلي ولا ايش القصه مطبقينها بعد الصلاه
واخيرا تيقنت ان الشقاوي شقاوي

بس ثلاث مواد اعتقد لازملها محترف اجنبي او تعاقد من الباطن