[سكون الورد k.a.u]

المشاركة الأصلية كتبت بواسطة دارس1431 مادام صار فيه كلام عن المهور ^^ صراحه ياخوي قوربتشوف كلامك ماعليه غبار وبالنسبه لي وهذا شي حاطه في بالي من زمان من المستحيل ادفع مهر 50 الف ^^ اذا هم زوجوني علشان فلوس للاسف ماني ولد الراجحي ولا ولد الشربتلي ^^ ماعندي مانع اقوله لهم ياتوافقون على تنزيل المهر يامع السلامه ^^ المهر بين العشرين والثلاثين مناسب جداً للطرفين بالنسبه للعرس حفله بسيطه في بيت الوالد اهلي واهلها وعمي وعمها ومع السلامه ويادار مادخلك شر ^^ (( مع ان العرس عندنا يجي فيه خير ويجون الجماعه من كل حدب وصوب وكل واحد معه المقسوم بس ماله داعي بذخ واصراف وبهرجه )) امممم وش بعد ^^ اصلاً اذا عطيتهم مهر مثلاً ستين او سبعين او خمسين اكيد باخذ دين ^^ وبعد الزواج المتضرر الاكبر الزوجه المسكينه اكيد بقصر عليها لان اللي مامعهوش مايلزمهوش ^^ بس ياليت اولياء الامور يعرفون هالشي ^^ شكرا للجميع ^^ تحيتي^^

كلامك وكلام يلدرم ماعليه غبار وهالشي مااختلفنا عليه ..
لكن هذا حنا البنات وانتم الشباب متفقين عقلانياً على هالامور وكل ٍ يشوف ان الاسراف والتبذير مايجيب الا سخط رب العالمين وتضييق على الزوج المسكين اللي مايعرف منين يلقاها والزوجه معه باللي يصير عليه ..!
لكن مو هنا نقطة البحث :: اللي انا اقصده ويلدرم ان مو بس تكاليف المهر عاليه الا تكاليف العرس كله وهالشي هو اللي قصده يلدرم .. وانا نفس الشي ارجع اقوله واقولك ..
اذا المهر ا ساسا وسعره مناسب ويعتبر زهيد .. من باب اولى التكاليف الباقيه للزواج تأخذ نفس منحنى المهر ...
يعني حنا نزوج على 30 والملكه تكون ببيت اهل العروس (اذا وافق الطرفين على الملكه) ..
والعرس يكون بأي استراحه صغيره على قد العائلتين + اصحاب وجيران العائلتين فقط !! هذا بالنسبه لعرس البنت عندنا لان ولله الحمد آباءنا ماشيين على السنه يقول الرسول صلى الله عليه وسلم (أعظم النكاح بركة أيسرهن صداقاً) .. والحمد لله اللي زواجهم يبتدي بالشي اليسير الله يطرح به البركه ويدوم هالزواج الى ان يفنى احد الطرفين ..
بالرغم انه لما نقول ان كل شي يسير مو معناها ان البنت هذي رخيصه .. زي كثييييير من الشباب ضيعوا انفسهم وخربوا بيوتهم بإيديهم لما يتزوجون زواج يسير زي كذا اما يعايرون الزوجه بإنها رخيصه على اهلهااا وان زواجه منها ماكلفه شي .. او انه يروح يتزوج مره ثانيه لان بقى معه فائض من المال ... وهالشي صااااير بزمانا ومتكرر وانا استعجب واستغرب من هالشي !!!
بالرغم انه ولله الحمد اغلبنا يالسعوديات تنطبق علينا من 3 الى 4 مواصفات اسس اختيار الزوجه يقول الرسول صلى الله عليه وسلم (تُنكح المرأة لأربع : لمالها ، ولحسبها ، ولجمالها ، ولدينها ، فأظفر بذات الدين تربت يداك)..

اخوووي تلميذ العذر والسموحه منك ياااخوي خربنااا الموضوع حقك وانحنينا به منحى آخر ..

كل التقدير لشخصك الكريم ^_^

دمتم بود