رد: لجميع طلاب السنة التحضيري "مهم جدا"
انا مع السنة التحضيرية ..
اولاً لانو صحيح مو كل من دخل الجامعه كان مستواه عالي ..
تانيا اللي يقول ضياع سنة .. كدا ولا كدا حندرس مواد عامة قبل ماندرس مواد التخصص
وجود القدرات والتحصيلي والغاء اختبارات الوزارة تفرض عليكي سنة تقيمك قبل ماتخصصك عشان الاف صارت نسبهم عالية جداً ..
لمن تتخصصي هما اول شي يشوفو نسبتك الخاصة المواد اللي طالبينها في الطب .. ولو في تشابه في النسب يروحو للعامة ..
وبالنسبة للتكون علايفون والبييبي .. دا الشي حيكون موجود في احسن الجامعات لانو كل بنت شي راجعلها في الاخير تستفيد ولالا ..
وبالنسبة لنفس منهج الثانوي والتدريس انجليزي .. دا الشي ضروري 100 % انتو متخيلين تدخلو طب والف مصطلح وكلام انجليزي وانتو مو مهيئين .. الدراسة باللغة الانجليزية او اللغة الانجليزية بشكل عام صار متطلب اساسي ..
في جوانب سيئة بالنسبالي اللي هيا الجدول والساعات وبعد المباني وعدم كفاءة بعض الاساتذة وكدا ..
بس بشكل عام أأيد ..
|