[اسيرة الشوق]

السلام عليكم ورحمة الله وبركاته

الله يعينك والله حاسه بيكي مرره ا لواحد ينقهر لمن يذاكر و بعدين يغلط اغلاط سخيفه بس عندي كم نصيحه ويارب تفيد

1- ثقي بنفسك ولا تخلي دا الشي ياثر عليكي و ثقي بالله لان اذا انتي تقولي صعب وانا حغلط وانا ما حقدر ما حتقدري لكن لو احسنتي الظن بالله فتاكدي ان كل شي بيكون زي ما تبغي وزياده و لا تنسي الحديث انا عند حسن ظن عبدي بي =ثقي بالله وثقي بنفسك.

2- اكتبي اهدافك على ورقه كل الاشياء الا تخطر ببالك ونفس تحققيها و حطيها في مكان دائما تشوفيه على المرايه او على المكتب لان الاهداف الغير مكتوب هو مجرد امنية
3- حطي لنفسك خطة مذاكرة قبل الاختبارات بفتره وقسمي وقتك ولا تضغطي نفسك لأ خدي اجزاء صغيرة بس ركزي فيها تمام يعني كللللل شي لا تسيبي شي وتقولي ما حيجي
4- سوي لنفسك ملخصات ودوري نماذج اسئلة عشان تعرفي طبيعة الاسئلة وكيف اسلوب الاستاذة.

و بالتوفيق ياااارب والله يسهل على كل من تعب و نجيب اعلى الدرجات