[المقبلة على الجامعة]

السلام عليكم
كيفكم ياعسل كووولكم اكيد بخير الموووهم جايتكم بموضوع يخص التاهيلي دفعة عشرة خاصة ومنهم انا الموهم انتو عارفين انو احنا اتخصصنا وسرنا انتظام وناخد مكافاء زي الطيبين حلو الكلام
تعالو اقولكم على هرجة ماراح تصدقوها ابتن ابدن الهرجة ياطويلين العمر انو راحت وحدة من صباحتي صرفت المكافئة وطلعت ايصال انو في فلوس ماانسحبت وراحت عمتنا عالطول عالشؤؤن الماليه وسالتهم قالولها انو انتو التاهيلي لكم تنزل كانت مكافئة ايام التاهيلي ومجمدة يعني بما يقارب 8000 ريال والمهم جيتهم لقيتها البنت مجمعة بقية البنات قلتلهم ايش في قالولي كيت كيت كيت ورحنا كولنا الماليه كانو ناس مرة شايفين نفسهم زيادة عاللزوم وهما مجرد موظفات وجدو هنا عشان خدمتنا ودخلو البنات سالوهم قالولهم مالكم شي نفس الموظفة اللي قالت للبنت انو مجمد وشوفتو كيف يهشو الغنم زي كدا عملت باايدها وتقولنا مالكم شي ..ايش هوا دا لمتى حنفضل تحت رحمتهم فين نروح نبغى ناس امينة وصادقة تقولنا ايش في تقولنا دا صح ودا غلط وقبل ماندخل عند الموظفات دولا صحبتي كلمت وحدة تعرفها في البنك الهولندي تسالها كيف يتفتح التجميد قالتلها تحديث بيانات فقط بناءا على انهم قالولها المرة الاولى انو في لكم حساب مجمد .....ااااه يااااقلبي لاتحزن ...علما انو احنا في الكلية وواول ترم تخصص ..الادارة العزيزة لاتشيلو الموووضووع الله يسعدكم والله اننا مهمومين ....