[موت اهواك]

مبطي تواعدني ولاشفت الوعود
تخلف وعودك ولا كنك وعدت

وانا اتصبر من ورا ذيك الحيود
شف كم قصيده بهالقصايد بك قصدت

مالي انا كود الصبر معه الصمود
اجلس واساير همي ليامن رقدت

اذكرك في كل وقت ياعذب الوجود
وانته ولا كني على بالك وردت

ليه الجفا ياصاحبي ليه الخمود
الحب شمعه وانت ما كنك وقدت

تقابل احرار المحبه بالبرود
وانا لك الله بالوصل ياما عقدت

لاتحسب ان عتابي عنوان الشرود
بالعكس انا احبك ترا مهما بعدت