[نعم أنا قادرة أن أكون..!]

الله يسعدك أم حمدان كلامك سليم 100%
وكيوت شوشو الواحد منا لما يفكر بالرسوب وانه حيرسب هوا بذا الشي يعطي نفسه لا شعوريا مليون سبب للتكاسل عن المذاكره
فانتي لما تقنعي نفسك بانك خلاص ماحتقدري ,وانك حترسبي ,,كيف تتوقعي من نفسك انك تنفتح نفسك للمذاكره؟؟كييييف؟؟!!
لكن لما تفكري وتقولي انا ماحسمح لنفسي باني أرسب هالمستوى,,أنا قادره اني انجح,,حركز عالاشياء المهمة في كل مادة وأضمن النجاح باذن الله,,
بالتالي انتي لما تسمعي نفسك هالكلام انتي لا شعوريا حتلقي نفسك ماسكه كتبك ماده ماده ,وقاعده تذاكري بكل اهتمام وانك استوعبتي ومانسيتي
لانك حاطه هدف قدامك وانتي مقتنعه تمام الاقتناع بانك قادره تنفذيه,,
فهمتييني ياعسل..
فالتفكير السلبي يا بنااات ألغوووووه ألغووووه من حياتكم كلها مو بس من دراستكم,,
ووقتها شوفوا النجاح كيف حيكون ملازمكم على طووول باذن الله
الله يوفقناا جمييعاا,,ونعدي اختباراتنا بكل سهووله باذن الله..