^___^ يسعدني كلامكم اخواني
أتمنى دايما نقدر نلاقي مواضيع بالانجلش اقلها نحس حالنا نبغى نتعلم اكتر لأنو الواحد لما يكون دارس وحدو ومابيتعامل بيه مع اهلو واصدقائو راح يحس بتعب شويه فيه .
بس كمان في مشكلة صغيره لما تحس إنت متعلم انجلش لأنك تحب تتعلمو وتحب تتكلم وتبدع فيه لكن للأسف أهلك وأقاربك مابيحبو يتعاونو ,,
مثلا أنا لما بتكلم مع قريباتي بالانجلش بحسهم مايبغو يفهمو أو يتهربو عكس أهلي اللي عايشين معايا كلنا بالبيت بنتكلم بالانجلش أحيانا الحمدلله
.بس أحس بضيق أحيانا لأنو المفروض نتساعد كــ قريبات وبنات عم او بنات خال ! _ !
مايهمني نغلط سوا أحب الاغلاط كفايه تجيب حس المرح والضحك أحيانا أفتكر أخويا مره عملنا تحدي انا وهوا وقلتلو هاتي قاعده بسيطه كان وقتها صغير مره .. قام قال : She are ووقف انا كان فيا ضحكه بس كتمتها ما أبغى أجرحو لأنو بلكن حيتعقد نفسيا مني ويسير ماحيتكلم معايا بالانجلش
جلست فهمتو القاعده البسيطه دي إنو she تنقال مع is مش مع الـ are بس حسيت وأنا بشرحلو أرتاح نفسياً لقي شخص يثق فيه
عشان كدا الاهم عندي مو أكون متعلمه بدرجه كبيره ألاهم الناس تحب تتكلم معايا بدي اللغه وأحببهم فيها
^_^ مممم شوفو حقول الصراحه . أنا دحين جالسه بدرس دبلوم ووصلت للمستوا ال7 الحمدلله لكن لسا بحس حالي كأني بالمستوا ال3 او 4
لأنو الانجلش مهما تعلمنا ومهما درسنا ومهما اجتهدنا ومهما تكلمنا وكتبنا وعملنا ,, لسا نعتبر 1,30 % بعالم الانجلش لأنو كفايه إنو عالم واسع ومالو مــدى وحد
كل يوم بنتعلم وبننسى بس الاهم نحـــاول دايما نتقن اللغه .
عارفه خرجنا عن الاطار الرسمي للموضوع ^_^ لكن حلو الكلام عن دي اللغه . واكتشفت شي حلو إنو لو حتخصص لغه انجليزيه حيكون صعب عليا أعرف لأنو أدب مش ترجمه ودا اللي قاهرني لكن بنفس الوقت الحمدلله أهم شي في قسم لدي اللغه .
كنت أفكر أمس ياريت يخلو القسم حق الانجلش باللغه الانجليزيه لكن المواضيع تختلف مثلا نتعلم أشياء من التنميه البشريه باللغه الانجليزيه والله أتمنى , لأنو حيطور مهارتنا ويحسن حياتنا ونظرتنا للغه لأنو من خلال المواضيع راح نستفيد لحياتنا وحيكون باللغه اللي نحب بعد اللغه العربيه . ^_^
عارفه طولت بس براسي أفكار كتير مره ماراح اخلص *_* .
دمتم بود.