هذا سؤال جاني من واحده منكم على الايميل
كتبته هنا عشان الفائده للجميع ....
مرحبا
دكتورة ,, انا حيرانة في شيء ؟؟ في سؤال 19.4 في السلايدات
لمن نجي نحسب ال E cathode ,, E anode مو نرجع لجدول 19.1 ,, بس نعكس الاشارة اذا كانت المعادلة معكوسة ؟؟؟
طيب ,, ليش هنا ماعكستي الاشارة للفضة Ag ؟؟؟؟ يعني نزلتيها في المعادلة بموجب زي ماهي ؟؟ مع ان المعادلة هنا عكس معادلة الجدول ؟؟ يعني المفروض هنا تكون سالب , ولا انا غلطانة ؟؟
وفي سؤال ثاني بعد اذنك : كيف عرفنا ان عدد n = 2 ؟؟؟؟ <<< سؤال تافه ,, بس نسيت ؟؟
واخر شيء ,, الاختبار النهائي بيكون اكثر شيء نظري ولا مسائل ؟؟؟ يعني ان شاءالله يكون اكثر شيء نظري
|
أولا كيفك ياحلوه ...
ثانيا انت فاكره في المحاضره قلت لا تغيروا الاشاره لانه عندك ناقص في المعادله
E cell =Ecathode - Eanode
( معنها طبيعي راح تتغير الاشارة يعني لو كانت e بالموجب راح تصير سالب و العكس )
هنا حابه تنتبهوا لشئ ...
أنه لو طلب منك توقع اتجاه التفاعل أو هو تلقائي أم لا ,,,, أحسبي Ecell لو طلعت موجبه معناه التفاعل تنلقائي في هذا التجاه اما لو طلعت سالبة معناه غير تلقائي ,,,, راجعي أمثلة الكتاب (19-2 و 19-3 )
لكن لو قال لك أحسبي E للمعادله حسب ماهي مكتوبه .... أو سؤال في معادلة نيرنست أحسبي E للمعادله مثل ماهي و كملي حلك عادي ... و لا تهتمي بقيمة E0 cell ممكن تطلع سالبة و لكن القيمة الاخيرة E تطلع موجبه و ممكن تطلع سالبة ...
مثل مثال 19-4 ( لاحظي هنا قيمة E0 للخلية طلعت سالبة و هذا معناه أن التفاعل غيرتلقائي و هذا صحيح لو لاحظتوا قيمة ثابت الاتزان صغير مضروبه في 10 أس -42 على فكره في الدوري الثاني جاكم سؤال مثل هذا و كانت الاجابه 5ز27 في 10 أس -19 )
لكن شوفوا المثال رقم 19-5 ,,,, E0 طلعت موجبه .... التفاعل تلقائي ... فعلا قيمة ثابت الاتزان كبيره
كمان أنتبهوا لما نحسب قيمة ثابت الاتزان بمعلومية E0 من المعادله التالية ...
E0cell = 0.0257/n ln Q
و عند الظرف الغير قياسية .. نحسبها من المعادلة التالية
Ecell= E0cell - 0.0257/n ln Q
و ممكن من هذه المعادلة نحسب تركيز كلا من المتفاعلات و النواتج ... مثال 19-7
بالنسبة لثابت الاتزان لازم تعرفوا أنه مايكون الا في التفاعلات العكسية ( سهم رايح و جاي ) أما التفاعل ذو السهم الاتجاه الواحد معناه التفاعل منتهى ليس له ثابت اتزان ....
ممكن نعوض بقيم الضغظ بدلا من التركيز في حالة التفاعلات التي تكون في الحاله الغازية ..
بالنسبة ل n ليه 2 .... عشان نوزن المعادله لازم تتساوي الالكترونات في الطرفين عشان نحذفها ...
عشان كذا اقول لكم دايم اكتبوا في المحاضره عشان لما تذاكروا بعد فترة .... و زي كذا توقف معاكم معلومة ... تلاقوها مكتوبه
بالنسبة لسؤالك الاخير ماعندي فكره عن الاختبار النهائي ...
بس لازم تعرفي أن النظري و المسائل ما ينفصلو لو أنت فاهمة النظري كويس أكيد راح تحلي المسائل ...
بالتوفيق