[الطاير]

المشاركة الأصلية كتبت بواسطة أبوجواهر أنا عضو جديد ياشباب فى السنه التحضيرية خطة أ الصراحة أحس انى متوتر مدرى كيف بيكون الوضع انا فى الرياض يعنى فيها سفر واستأجر هذا أن شاء بتهون لكن كيف الواحد بيذاكر والاختبارات الا ن فى 27 /1 يعنى بعد شهر ونصف تقريبا وتونى اطلب الكتب اليوم وماادرى افهم منها ولا ادور مدرس الله يعين

بعد اذن الأخ يلدرم نقاط مهمة لكل الطلاب الي راح يختبرون أول إختبار وعن تجربة
الأخ ابو جواهر أنا أتكلم معاك من مصدر تجربة للإختبارات يا أخي ترا الوضع عاااااااادي جداً وبإذن الله راح تنجح أهم شيء ذاكر زين ولاتفكر كثير وترتبك من انك راح تختبر في الجامعة وكيف راح يكون الإختبار وأفكار مثل هذي والوضع كله طبيعي 100% أهم شيء حاول تشوف كم واحد من الأصحاب الطيبين الي راح يختبرون معاك وحالوا تستأجروا إذا أمكن قريب من الجامعة وإذا لقيت الإيجار غالي عادي إستأجر في مكان بعيد أهم شيء تعال بدري للإختبار وأحسب وقتك طبعاً الإختبارات في الفترة المسائية من بعد العصر تبدأ الفترة الأُلى والثانية بعد المغرب أوالعشاء
لاتنسى يكون معاك قلم مرسم من نوع Hb2 لونها أصفر لأنها أفضل نوع عشان تتصحح الأسئلة عن طريق الإسكنر بالكمبيوتر ولاتنسى تغمق التضليل بالمرسم عشان تبان الإجابة
بالنسبة لشروط الجامعة عادية أهم شيء البطاقة الجامعية ولو نسيت البطاقة في الشقة مثلاً تكون معاك بطاقة الأحوال وإلا راح تحرم من الإختبار هذا أهم شرط عندهم طبعاً أولما يبدأ الإختبار يفتشون الدكاترة على البطاقة الجامعية ويتأكدوا من الصورة
الغريب في قاعة الإختبار أن كل الطلاب جنب بعض يعني جنبك في جنب زميلك ولا حتى سنتيمتر يفصل بينكم القاعة زي المسرح ونفس إختبار المادة ولكن صعب جداً جداً إن إختبارك يتطابق مع زميلك لأن الجامعة مغيره في نماذج الأسئلة يعني عندك مثلاً النموذج ( أ ) الي جنبك على طول عنده النموذج ( د ) والي يعده نموذج ( ج ) والي بعده نموذج ( ب ) يعني مستحييييييييل انك تغش وتعرف لأن الأسئلة مختلفة انتبه والكل ينتبه مواضع الأسئلة تتغير من شخص لشخص لا أحد يشوف إجابة الي جنبه ويضع إختيار مثلها والله يقع في ورطة
الدكاترة يختلفون لكن بصراحة أصعب واحد فيهم دكتور مش فاكر اسمه المهم انه سوداني بصراحة شديد مررررة اي حركة ينقلك ولو تكررت يشطب الورقة زول قوي خالص :)
ربي يوفقنا جميعاً أهم شيء أعيد وأكرر الوضع ياشباب والله العظيم عااااااااااادي ثم عاااااااااادي شدوا حيلكم شوي اقرأو الكتب جيداً بعدين الملخصات وإن شاء الله تنجحوا وتتيسر اموركم .
هذي أهم أشياء حبيت اني أوضحها لكم وأكيد الأخ يلدرم ماراح يقصر وهو أخبر وأعرف مني في هالأمور .