[شتاء عمري]

المشاركة الأصلية كتبت بواسطة عادل 14 عزيزي/ عاد تبغى الصراحه وبكل اختصار الاغلبيه من الموظفين ويدرسون بالجامعه تلقاهم بس يبغى شهاده علشان يعدل في وظيفته والبعض يبغى يدور وظيفه ثانيه احسن من اللي فيها انا اختبرت في جدة المهم بعد احد الاختبارات سولفت مع احد الطلاب والله حسيت بالمعاناه يقول حنا موظفين شركات يعني غير انك تجيب الجامعه يتشرطون يبغون تخصص يفيد للوظيفه ولا كمان يبغون معدل كويس .. ياخي انا ناوي اكمل واخلص الجامعه مهما كانت العقبات ومهما كانت الصعوبه تدري انو اول ماسجلت انتساب لاحظ مو انتظام .. فيه ناس يقولون منت صاحي الشهاده مو معتمده كثير واللي يضحك ويقول وش تبغى بالجامعه ووجع الراس ومذاكره وتعب واللي يقول لو تبغى الدراسه ادرس برا ولا ادرس في الجامعه الفلانيه(جامعه خاصه) لكن حطيت كلامهم من وراء ظهري لان عندي قناعه ذاتيه بشي وابغى اوصله وهذا موقف صار لي شخصيا تتدري اللي كان يضحك علي ويقول منت صاحي والله العظيم امس داومت بعد الاختبارات كلهم يسألون كيف ان شاء الله سهله واللي يقول يعجبني طموحك واللي يقول مو مصدقين الحين بتخلص الترم الثاني واللي كان يتشمت الحين والله ندمان ومقهور علشان ماسوى مثلي.. وبكل شفافيه تدري انو اول ماسجلت وقبلوني وبديت اذاكر الترم اللي فات للأختبارات اخوي كان يضحك ويقول مافلحت وانت بدون وظيفه الحين موظف وتبغى تتدرس .. لكن لاحظ فيني انو فيه شي حاطه في بالي واطمح وناوي اوصل له تدري امس يقول ماشاء الله عليك شكلك بتجيب الجامعه وانا باقي ثانوي... عاد لو تأخذ دوره انقلش وحاسب مع الجامعه ياسلااام "ونصيحه" حاول كل من يسأل عن وضعك في الجامعه قول عادي وماشي الحال ولا تحاول تبين انو معدلك كويس وسهله لان في ناس عينهم حارهـ ههههه وحده بوحده وتدري ترى ترى ملح الحياه التعب.... وماتحس بحلاوه الجامعه الا وخاصه اذا تخرجت ومعك الشهاده تحس انك تعبت على شي يستاهل .. ولازم التعب والصبر مافيه شي بالهالدنيا يجي بيوم وليله وبكل سهوله ؟؟ وعلى قد ماتتعب تلقى النتيجه.. اذكرك بحاجه ايام دراسه الابتدائيه "من يزرع يحصد" هههه وبالتوفيق للجميع والدعوه الطيبه تكفون من الجميع

واصل اهنيك فكرك سليم ... عجبتني بصراحه العالم ماترتاح غير تغث