رد: نصيحه ضروريه
حبيبتي
انا بانصحك كاني انا مكانك
انا لو كنت مكانك بالعربي
لويرجع بي الزمن سنتين ورا قبل اتخصص اولا شي ادخل معهد
ثانيا انتي في افضل مكان هنا بين اخواتك اسالي عن المواد الي ممكن تكون عندك في اول مستوى تخصص زي الرايتنق والريدينق والليسننق ادرسيها قبل تاخذيها عشان تكوني بالصوره
اما بالنسبه لمعدلك وهل ممكن يقبلوك فابصراحه ماعندي خلفيه عن النظام الجديد ولكن اتوقع انك مقبوله
اهم شي انو يكون عندك علم انو التخصص مش سهل بالنسبه للانتساب
ولازم تكوني واعيه ومثقفه في اللانقويج قدر ماتقدري
يعني شي اسمو قراءه لا تتركيه قد ما تقدري اقري في كل مكان
وعودي نفسك تكتب براقرافات
واشتري كتب الرايتنق سكيلز تلاقيها في المكتبات الكبيره
امممم وحاولي تسمعي انقلش كثير,,
ولو في اي حاجه تانيه حاقولك
بس حطي في بالك انو التخصص يبغالو جهد مضاعف مضاعف مضاعف
ماراح اقولك لا تدخليه واحبطك لاااا بس لا تتساهلي لانو بجد يبغالو وحده صاحيه وواعيه وتحسب حساب الف خطوه
انا جالسه اكلمك كاني باكلم نفسي واقولها ليش ماسويتي وسويتي زمان
فانتي يا عسل لا تعيدي غلطتي وكوني بالصوره قبل دراستك دائما
والحاجات الي قلتلك سويها ضروري تسويها,,
تحياتي ياقمر
وتمنياتي لك بالتوفيق يارب,,
اختك" Rere
|