[علي العسيري]

القصه على ذمة الدكتور ميسره البارح على القناة الاولى

كان يناقش موضوع الاهتمام بالشكليات عند الشباب وعملية ترتيب الاولويات في حياة الشباب

بادخل في القصه على طول :

( يقول انه في يوم من الايام تقدم شاب لخطبة بنت ورحب فيه والدها واخوانها وبعد ان سئلوا عنه من هنا وهناك ومالقوا الا كل علم يبيض الوجه والكل اثنى عليه ,, ثم حددو موعد له وجا على الموعد وجابو البنت عشان النظره الشرعيه تشوفه ويشوفها ,,,,, شوي ثم انصرفت البنت وهو قال انه ازداد اصرارا على الزواج بها فقال له ابو البنت خلاص بناخذ راي البنت ونرد لك خلال الاسبوع ,,,,,

الاب اجتمع مع بنته وقالها هاه وشرايك بالخطيب وتري احنا سألنى عنه وكل علومه طيبه ,, وتفاجاء الاب ان البنت رافضه هذا الشاب رفضا قاطعا ؟!!

الوالد : طيب ليه يابنتي ايش السبب ؟

وبعد الحاح منه عليها

قالت لشغله واحده بس انه

(مايعرف يضبط المرزام لشماغه !!!!!!!!! )

يابنتي هذي بسيطه مقدور عليها يمكن يتعدل

مافي امل البنت مصره على رايها الرفض

جاء الشاب على الموعد وبلغوه برفض البنت وطيبو خاطره بكم كلمه حلوه .... قسمه ونصيب .... والخ

المهم // الشاب هذا راح وخطب بنت ثانيه وتزوجها وعزم والد البنت الاولى واخوانها على العرس ,, وراح في سبيله ..

وبعد شهور جا شاب ثاني يخطب هذه البنت ولما شافته شكله (( اتكيت )) وكل شي (( كوووول ))

وافقت على طول

واقامو الزواج وقضوا شهر العسل سفريات

ويوم من الايام وبعد شهور معدوده من زواجهم قالها اغسلي شماغي واكويه

ولما جا الصباح وكان رايح للعمل اتفاجاء ان الزوجه لم تقوم بكي الشماغ بشكل مرتب (( والمرزام ))

معفوس بل احرقت جزء من الشماغ !!!!!! فقام واطلق لسانه عليها سب وشتم وعلى اهلها والي خلفوها وربوها ..... الخ

المهم انه راح للمغسله الي على الشارع في طريقه للعمل وعطاهم شماغ ثاني وطلب كيه بشكل مستعجل

وراح للعمل ثم عاد نهاية الدوام للبيت ,, والمسكينه تتمنى انها لو تقدر تصلح الي حصل وتهديه او انه ينسى ويسيب الزعل

ولكن لازال معصب وماد بوزه شبر

عندها حاولت انها تدخل ببعض الكلمات يمكن تهديه شوي (( شي مايستاهل صرحه ))

لكنه انفجر في وجهها مره ثانيه وهالمره ماقدرت تتحمل وطلبت منه يوديها بيت اهلها الي هو قاعد يسبهم ويشتم فيهم

وهو على طول ماصدق وودها لبيت اهلها ((وطلقها )) وعلى سبت مرزام الشماغ

المهم انه قعد يمطل فيهم ماراح اعطيكم صك الطلاق الا لمن ترجعو المهر........ والخ

لن اقوم بالتعليق واترك لكم المجال لتخيل مثل هذه العقول .......... التافهه !!!!