اخواني
الموضوع جميعا ونقاشكم جميل .. دخلتم على الموضوع من جميع ابوابه
اي كلمة قيلت في الموضوع صحيح سواءا من الكاتب او الناقد
ولا انكر ان الكاتب كتب كل كلمة وهوا صادق فيها 100 % وخلال السنتين الجاية سيكون الوضع اسوأ مما كان في وقتنا هذا ... ولكن في ردك يا بدر .. وجدت كلمة مسؤولييين ( هناك عرقله في الكلمة ) في بلدنا لا يوجد مسؤوليييين والمؤول عننا في بلدنا مسؤول واحد هوا ابو متعب حفظه الله ... لو ما شاف كل شي فجأة في البلد وبنفسه شخصيا لن يتغير شئ تعرف ليش ... لان الملك لو قال في وقت من الاوقات ابغا بس اعدي من هذا الشارع بكره .. سفلتولك الشارع من اوله لاخره وهاتك يا زينه والوان على الارصفه وقالوا للمكل شايف انو كل شي في البلد كويس .
ثاني شي اسلوب مغادر كان قمة في الرقي وكان طرحه جميل يدل على وعي فكري خاص في نقاطه ومضمونه
معالي الوزير
ردودك كانت تحتاج الى اتزان في الرد .. لا اعني بهذا انك لست معارض جيد .. ولكن لكي تمتص غضب الاخرين امسك العصا من الوسط وقل الحق حتى لو 1 % يكفي بأن نعترف بأن هناك خلل .. حتى لو 1% لأنه يمكن هذه النسبة تغير شي .. ولكن لا نقول ان بلدنا لا تحتاج لا شئ ذكره مغادر الحياة ... ولو جينا نمسك نقطه نقطه من اللي قالها مغادر حنلاقيها كلها صحيحه ... ومن ناحية الاسلوب تعبوا الناس وهما يتكلموا بالاسلوب الحسن الذي يدعوا للتذلل وكأننا نطلب الصدقة ... معالي ... خلينا ناخذ نقطه وحده من اللي ذكرها اخونا مغادر وهيا غلاء الاسعار .... حبيبي انا وانتا وغيرنا مستور في بيته وراتبه مكفيه وزياده .. مانظرت للي راتبه 1200 ريال وعنده 4 و5 عيال وايجار وتلفون بيت ( بدون ذكر الجوال ) وسيارة وبنزين عشان يوصل مدارس ... هذا يكفيه ايش ولا ايش . احنا احيانا خرجتنا معا اهالينا تكلفنا 300 او 400 ريال احيانا
طيب يحبيبي ... خليني اقولك على ناحية يمكن ما اتكلم فيها اخوي مغادر واللي هيا الفساد الاداري في بعض الدوائر الحكومية بدون ذكر اسماء الدوائر ... هيا بتخدم الناس 100 % مانقول لأ ... بس فيها من يفسدها والخير يخص والشر يعم ...
أنا شغال في احد الدوائر الحكومية وفي شهر ذي القعده 1429 هـ عندنا عامل بدون اقامة طبعا لانه الدوائر ماهي متعامله مع شركات نظافة الا لازم يطفشوهم ويخاذوا حقهم وبالشهور بدون راتب وهوا الراتب اصلا 600 ريال .. المهم .. قرر العامل يسافر طبعا عن طريق الترحيل وبعد السلام الحار اللي كان بيننا اتوكل على الله ... فجأة ولا يتصل العامل بعدها بيومين بالتمام ويقول ممكن اجي اكمل شغل واروح بعد الحج ، قلنا طيب ، ثاري راح العامل الترحيل وهناك دخلوه الحجز بـ 300 ريال وبعدين قالوله خلاص احنا حنخرجك الين بعد الحج تعال واحنا نسفرك عشان لاتجلس هنا على الفاضي ... انتا قولي ايش رايك في الموضوع انا محا اعلق على الموضوع ... دولة الكويت احتفلت بخروج اخر بنجلاديشي من بلدهم .. واحنا نتمتع في مصايبهم . هذا من الشي اللي ماتصدقه عن الدوائر الحكومية ... مانقول شي عن انو نحنا بلد الحريمن وبوابه للحج والعمره بس الا في حل لمواضيع المتخلفين .
وغير كده من ناحية المستشفيات .. في واحد من الشباب متخرج من كلية التمريض قرابة الـ 3 سنوات وجنن الشؤون الصحية والشؤون الصحية جننته على التعيييين .. في الاخير اشتغل في مستشفى اهلي ... هنا يحمد ربه انو اشتغل ... بس من ابسط حقوقه انو يتوظف في مستشفى حكومية عشان تحل النقطه اللي اتكلم عليها اخوي مغادر الحياة
ولسه في اشياء كثيره تخليك تفكر مليا في كلام مغادر
وبالنسبة للاسلوب فهو الانسب ((((( للمسؤولين )))))
المصيبة الكبرى أن جميع رسايلنا لاتصل لخادم الحرمين الشريفين حفظه الله
هذا مافي نفسي بين مؤيد ومعارض (( ومابقي فهو اعظم )) ... شكرا لكم