ياخي بغض النظر عن وجود الاسئلة من تمارين الكتاب او من خارجها .. نحن نتكلم بصفة منطقية عن وضعنا كطلاب انتساب .. نحن هنا ندفع رسوم لكل شيء حتى في مكوثنا في مدينة جدة ... المصيبة مافيه شيء تقدر تقول يهون عليك صعوبة الاختبار او ينسيك همه شوي .. تجي تحسبها الا انت خسران من كل ناحية ( رسوم دراسة , كتب , اجازة بالشحاتة تاخذها من عملك ) ودمعه تنزل وقلق شهر كامل عشان يوافقون اخر شي ويعتبرونها جميل عليك , وبعدها تتغرب عن اهلك وعيالك وتدفع على سيارتك وطريقك وسكنك واكلك من الجهد والمال الشيء الكثير واخرتها يقارنك بطالب منتظم عادي مع احترامي وتقديري لطلاب الانتظام وتعبهم ( انا كنت طالب انتظام وعشت المعاناه ) لكن اقصد من ناحية التقييم الدراسي .. انا لا احضر محاضرات ( ولا تقولي فيه دورات تأهيلية ,, ذكرتني بدروس التقوية اللي كانوا يلعبونها علينا مدرسي المتوسط والثانوي اهم شي تدفع كاش ) ولا اناقش دكتوري او تقدر تسميني طالب تعليم عن بعد ولا اقدر سوى اني اعتمد على زملائي في مواقع الانترنت بعد الله للحصول على اي معلومة ممكن تفيدني في اختباري.,, وهذي اخرتها اسئلة تعجيزية عشان يعلمونا انهم فاهمين وانهم مدرسين مادة انجليزية بحكم اننا مانعرفهم زين وشكلهم ماخذين عننا فكرة اننا نكرههم او مو عارف كيف ... الله يعين
ردود الاخوان هنا واقعية الاكثرية اجمعوا على صعوبة الاسئلة والتحدي الواضح من مدرس المادة وقالك لازم تحفظ المادة ؟؟؟ يااخي انا رجل افهم المادة وافهم منك في حياتي العملية والعلمية مااحفظ الكتاب مثلك يااستاذ المادة وانطوي على نفسي عشان انجح وادور وظيفة تميزني خارج بلدي لانعدامها في بلدي الاساسي ( الاجنبي ) لاتقارني فيك انا انسان فهمت المادة اعطني اختبار يليق في حذاقتي مو في ذاكرتي الحديدية اللي لازم تتذكر كل شخطة في الكتاب
الحمد لله وكفى .. غيض من فيض
تقبلوا مروري