رد: اللي عليهم موآد وترم صيفي حيآكم هنآ نتعآآآون حتى نتجآزوهآ بعون الله ~
اممم شوفو..انا من دفعة السنة اللي راحت بدأت دراستي الترم التاني..واخدت وقتها خطة ب..وقلت اخفف على نفسي خطة أ واخد كم مادة ارتاح منها فالصيف..اولا طريقة التسجيل راح تطلعلكم فالاودس خانة خاصة بالترم الصيفي ماتقدرو تاخدو غير 3 مواد وانتو ترتبو جدولكم بنفسكم..يعني اختارو الشعب وكدا وحاولو تتابعو الاودس عشان تسجلو بدري فالشعبة اللي تبغوها قبل لا تتعبى =)..تختارو الايام والوقت اللي تبغوه وخلاص..اللي مايحب يدرس المواد حقتو فالصيفي راح يدرسها فالترم الاول من السنة الجديدة يعني الوضع مو اجباري..واللي حاملة اكثر من 3 مواد اكيد طبعا المادة الرابعة راح تاخدها الترم الاول.انا شخصيا اخدت حاسب ورياضيات وبس..ونصيحة خدو الصيفي على انو ضغط وكدا بس تحسوه هم وانزاح وفوقت بسيط لوول..انا على انو اول مرة ادرس الرياضيات نجحت فيه وبدرجة حلوة..!! يعني المنهج ما راح يحزفو منو ولا حاجة بس دكاترة كويسين والاختبارات حسب كلام البنات انها كانت اسهل من اسئلة الترم العادي =)..
طبعا في حضور وغياب وكل شي طبيعي حتى الرياضيات كان عندنا فيه اونلاين :)..واخدنا البونس الحمد لله <3..والدوريات نفس الطريقة 3 اختبارات والحاسبة كانت ممنوعة وكلو نفس الترم العادي يعني =)..
بالنسبة للمعدل دحين الترم الصيفي مثلا انتي ماخدة مادة وحدة وبس..ونجحتي فيها بـ a+ راح يكون معدلك 5..=)..بس عندك فالترم نفسو لمن رسبتي كان في عندك f ومعدلك حق هادا الترم اللي رسبتي فيه طبعا اتأثر..فهما لمن يجمعو المعدلين مع بعضهم راح يطلعلك مجموع يعني معدلك وقت مارسبتي ما راح يتغير راح يفضل زي ماهوا والترم الصيفي كانو ترم جديد مالو علاقة بالاول زي لمن دحين جمعولكم معدل الترم الاول مع معدل الترم التاني وطلعلكم نتيجة راح يحسبو هادي النتيجة مع نتيجة الترم الصيفي بدون ما تنحزف الإف للأسف راح تجلس لين تاخدي الوثيقة حقة تخرجك..بس احنا كان عندنا اشاعة انو حتى لو نجحتي فالمادة بـ 100 ما راح تنزلك فالاودس غير 60 لانك راسبة وما اعرف ايش..لو سمعتو هادا الكلام لا تسمعووه نهائيا =) الدرجة حتنزلك من 100..بالنسبة للتخصصات انا ما اتخصصت لانو كان باقيلي الفيزيا والاتصال والانجليزي بس البنات اللي كانو معايا فالصيفي كلهم اتخصصو =)..بس متى الصراحة ما اعرف..
معلومة..لكل طالب 3 فرص وبس..يعني الترم الصيفي راح يعتبر الفرصة التانية لكم..حاولو تشدو حيلكم وتستغلو فرصة ان الوقت قليل يعني ما راح يضيع عليكم وقت طويل وانتو تعيدو المادة..لو ما استغليتوها ورسبتو وبعدها لا سمح الله اخدتو المادة الترم الاول ورسبتو..راح يجيكم طي قيد..هادا معناتو ان الجامعه راح تطردكم..غالبا لمن تنطردو مافي جامعة تانية تقبلكم لانو حسب ماقالولنا انو الجامعة بتختم على الشهادة..فرجاءاً شدووو حيلكم :) الله يوفقكم جميعاً <3
|