رد: والحــل مع كابوسـي ؟
السلام عليكم و رحمة الله و بركاته
اول شي حابه اقوله هو حسبي الله و نعم الوكيل في استاذات و ادارة قسم اللغات الأوروبيه, انا طالبه المفروض اني تخرجت بس بسبب ذا القسم صرت اعيد في المادة 3 مرات ، اولا الريدينق و ما ادراك مالريدينق.. يعني شرايكم في ناس يجون المشرفات قبل وقت الاختبار بدقيقتين و يسووون رببببببكة يدوروون على قولت الاخت, هذا غير انهم مايوقفون كلام بعد توزيع الاوراق..(هااا يابنات ..اكتبوا اسماءكم.......خلاص كتبتو؟..... اللي ما كتبت ماتنحسب ورقتها......اللي ماكتبت تكتب.......لا تنسو الرقم الجامعي.....قسم بالله تمر ربع ساعة و هم بالسخافة ذي.....شوي و يوزعون اوراق التسلسل اللي نوقع عليها.. و عااد تفرج.....ياااا بناات لا تنسو توقعو.....اكتبو رقم التسلسل.... و تعيد من جديد ها كتبتو اسماءكم... و بكذا مر نصف الوقت..... شوي......يابنات ترى مر نصف الوقت راجعتو؟...كتبتو اسمائكم.......يلا حبرو.....و اكتبو ارقامكم...ترى مافيه وقت....ترى بنسحب الاوراق..........شوي...........فعلا ما تبقى غير 10 دقايق .........هاااا يباانات ترى خلص الوقت....يلا ترى بسحب الورقه)... لعنبوبليسكم....خير ان شالله شفيه؟؟!! ما رح نختبر و نركز شوي و لا شلون؟؟؟
الحين من اللي ضيع الوقت؟؟ ساعتين راحت هباءا منثورا...يعني الاختبار طويييل و الاسئلة مقالية وممللللللة و ساعتين ياااااااااااااااااااالله تكفي.....و فوق ذا مايوقفون قرقر قرقر
يعني الريديق عايدته 3 مرات ... شرايكم؟! يجيبون لنا مصطلحات و لا كننا دكاترة..
انا و لله الحمد و من غير مدح لغتي الانجليزية ماشاءالله اكثر من جيدة جدا و دارسة من طفولتي هذي اللغة غير اني مارست اللغة في الخارج الحمدلله و سافرت لمنبع و اصل اللغة.. الحين العيب صار في من؟؟ الطالبات او القسم؟ يعني كانوا يتحججون ان الطالبات ماعندهم لغة و لا سالفة؟ الحين من اللي ما عنده سالفة؟؟
هي المشكلة اللي زادت الطيين بله انهم غيروا الكتب لاصعب...يعني كانت قبل سنة اسهل الكتب.. و قد سألنا الاستاذة قالت لنا لانها كانت تافهه غيرناها....هذا دليل انهم يبون يطلعون لنا قرون و لا يبونا نتخرج
لكن ارجع اعيد و اقول صبرا جميل و الله المستعان و حسبي الله و نعم الوكيل
اسفة على الاطالة و اتمنى انه ما ينحذف موضوعي لانه كتبته من قلب و عن قهر لاني المفروض اكون متخرجة و ماشاءالله انا في سادس سمستر لكن بعد هذي كلها السنين جتني حالة احباط و فكرت احول.. تخيلوا وين؟؟؟ علم اجتماع!
شفتووا كنت وييين و ابي اصيير ويييين اتمنى انكم تنصحوني وش احسن اكمل او احول...و امانة ادعولي اتخرج على خير ان شاءالله
و جزاكم الله خير
|