[حسان السراقبي]

السلام عليكم يا أخواني

أحب أن أبدأ موضوعي هذا بأمطار غزيره قادمة من الجهة الخلفية لعيني , تعبريا عن التعب الذي سنشاهده في المستقبل ههههههههههههههههههههههههه
>>حسيت نفسي في جمعة خيرية ومو باقي غير أجمع تبرعات ههههههههههههههههههه

المهم يا شباب ويا بنات , رايحين رابغ يعني رايحين , المباني خلصت تقريبا ودحين بيحطو عليها اللمسات الأخيرة زي ما هو باين في الرابط
http://cob.rb.kau.edu.sa/Content.asp...=ar&cid=108556

يعني أنا رايح أشتريلي سيارة كامري , واجلس على الخط تكسي من الآن رايح جاي علشان أتعود على المسافه ههههههههههههههه

بس خلونا في الجد
انتهاء المباني حقت الكلية تفيدنا وتضرنا , تضرنا أنو صارت المسافة بعيده على طلاب جده , بس تفيدنا أنو حتصير الأمور منظمة أكثر بإذن الله , وحتصير القرارات القادمة أكثر وضوح , وحيصير مالهم عذر وقت ما نقول نبغى ترم صيفي , وحنصير نحنا نعرف راسنا من رجولنا , عندنا فكره فين نروح وفين نجي وعلى مين نتصل وقت ما نحتاج حاجة

وعلى كل الأحوال أنا حبيت فقط أنقلكم الخبر , مو أجي دحين ألاقي ناس فاتحه موضوع الله لا يوفقك يا حسان , ووديتنا بدهيه يا حسان , شباب ترون مو أنا يالي بنيت الكلية ههههههههههههههههههههههههههه

ومهما صار ربي يوفقنا وييسرها لنا , ويجعل في كل خطوة نمشيها للعلم جبال من الحسنات

تحياتي للجميع
حسان السراقبي