[إحساس ناجح]

المشاركة الأصلية كتبت بواسطة إن غدا لنظيره قادم... اليوم كنت بشكرك في موضوع منزلو احد الاخوان تقول شكرا لمين في المنتدى وقلت انو فقدنا تواجدك لكن عمرك طويل المهم انا معدلي السمستر اللي فات 4.98 والسمتسر دا اعلى بشويه وابغا احول انتظام دا اولا وتانيا ماني عارفه لو جا وقت التخصص ايش اختار لو انا حبقى انتساب ومحيحولني ابغا موارد بشريه في رابغ لانو مافي هنا ولو حيحولوني انتظام ابغا قانون او اعلام او اي قسم متاح للانتظام >>>معرف ايش التخصصات المتاحه للانتظام فياريت اذا تعرف تفيدنيي وعلما بان تخرجت بمعدل جدا عالي من الثانوي وكنت علمي وغير سعوديه يعني افضل المواد العلميه اكتر فانا اثق برايك جدا جدا ومن اول موضوع لك وانا اتبع اسلوبك واقتدي بمبادك فايش تشور عليا

ماشاء الله معدلك روعة الله يقويكي على النجاح المهم إنتي حايسة في التخصص أنصحك تطبقي اللي راح أقولك عليه طلعي ورقة وقلم واكتبي كل التخصصات اللي في بالك وإسئلي نفسك ليه إخترت هذي التخصصات هل عشق في دراسته أم علشان صاحبتك هناك أو كنتي تسمعين إن التخصص دا سهل والتخصص دا معقد لاتمشي على هوى الناس هل لو كان أهلك يضغطو عليكي علشان تدخلي تخصص وإنتي ماتحبيه لاتوافقي إختيار التخصص هو قرار يمثل مستقبلك وإنتي المسؤولة عن هذا القرار الآن يوجد إختبارات لتحديد ميولك المهني إبحثي عنو في النت مثل إختبارات هولاند وإختبار بناء أنا إختبرت هولاند وطلعت نتيجتي مطابقة لما كنت أتمناه ودخلت الإدارة العامة
ما أظن يقبلو غير سعوديين إلا عن طريق المنحة أنا أعرف زميل لي معدلو عالي في الثانوي وقدم على سفارة بلده ووافقو والآن هو إنتظام على حساب السفارة لكن بدون مكافأت

أتمنى لك التوفيق في حياتك