[حده غيرقت]

معلووومة مهمه للبناااااات !!!

كل ألي قلتو هنا شي معروف جدا و في البداية ممكن يطلع في بعض الأشياء غلط
ولكن انا أجتهدت و حاولت أبين لكم كل شي و أجاوبكم ع كل سؤااال
ولكن الي حاب أوضحو أكتر

طريقة الشباب في توزيع الوظائف كانت
أول شي نروح بدري عشان نمسك مكان في المقدمة عشان نخلص سريع سريع
وبعدين ندخل مسررح كبييييير و نجلس ع الكراسي ( مدرج )
مقسم 3 أقسامشمال جدة و وسط جدة و جنوب جدة
و كل واحد يختار الفرص هيا نفسها بكل منطقة
اللهم الواحد يختار الأقرب لبيتو عشان ما ياخد له مشواار طوويل أو الي ما تفرق معاه عادي ياخد أي مكان

و بعدين في كل بداية مدرج يكون في 3 أو 4 طاولات و يكون جالس عليها موظف و ينزل لكل طاوله ( طالب واحد فقط ) و يسلم أوراقو ( الإفادة - صورة الهوية الوطنية ) و يشوف طبعا الوظائف و ع حسب الموظف ألي قدامك بعضهم مررا عسسل و تماام و يخيرك و يديك الأفضل و ينصحك بشركات حللوة و بعضهم مررا لا يديك ألي قدامو بدون ما يناقشك كمان
و لما اخد الورقة طبعا عليها اسمي و اسم الشركة و رقمهم ( الشركة ) و أنا أتصل عليهم و اخد الوصف منهم و اروح لهم
ويلا من هناك يبدأ كل شي :)

فالبنات انا إلى الأن ما أعرف كيف طريقة توزيعهم للوظائف أو للمعاهد ادا كانت نفس الطريقة حقت الشباب فأديتكم هيا إدا لا فالله أعلم كيف بيتم التوزيع
ممكن تكونو بالأرقام ( زي البيك هع ) الي تجي رقمها تروح للشباك وتخلص أمورها و زي كدا


للتذكير فقط عشان الي ما تابعو الموضوع من بدري
الوظائف الصيفية بيدأ التقديم يوم السبت الجاي
الأوراق المطلوبة ( الإفادة - صورة من الهوية الوطنية )

تقديم الشباب بيكون
في المعهد الصناعي - طريق المدينة الطالع ( تطلع من كوبري المربع و تاخد يمين و أول إشارة تاخد من عندها يسار وبعدين تمشي قدام شويتين بتحصل دوار صغير و ع اليسار ع طول بتحصل المعهد )

تقديم البنات
شارع الأمير سلطان - خلف جرير مول



و بس حبيت أوضح دا الشي
و أي إستفسار انا حااضر