[color="rgb(72, 61, 139)"]
كثير من الطلآب والطآلبآت يفضلو الدكتور محمد العثمان .. لسهولة المنهج معاه وانو مايتعبنآ ..
انا اخذت المادة السنة الماضية .. وكنت جدااااااا مبسووطة بالدكتور انو يفهمني ومنهجو قليل ويدينا درجات ومايبخسنا ..
واحنا البنات ماعندها غير شعبة وحدة ودكتور واحد لهذه المادة
لكن انا دحين سنة ثالثة .. كل مااشرح دكتور شي يقول وزي مااخذتو فمصادر الالتزام انكم تسوو كدا هنا وزي مااخذنا فمصادر الالتزام كدا .. وتكون اشيآء اووول مرة مرت علينا لأن المنهج مع العثمان كلكم شفتو كيف .. والمادة دي اسسسساس فالقآنون .. وحتى لو اننا قرأنا كتاب المادة نفسو .. محا تستفيد زي لما دكتور يشرحلك ويفهمك ويربطلك المسائل بالواقع .. لو كان مافي اهمية لأنو الدكتور يشرح كل المواضيع المهمة في الكتاب كان لقيت في قسمنا دراسة انتساب
الدكتور العثمان دكتور اخلاق وشاطر هوا نفسو .. انو انسان عندو علم ويفهم .. لكنو مقصر معانا بصراحة
في الإثبات الدكتور منير طول الوقت كان يقول زي مااخذتو فمصادر الالتزام زي مااخذتو فمصادر التزام .. الين يوم قلنالو يادكتور ترا احنا فمصادر الالتزام اخذنا المواضيع دي ودي ودي .. اشرحلنا انتا لانو اللي بقولو مااخذناه ومو فاهمينو ..
وعلى العموم يآبنآت حتجينآ ان شآء الله دكتورة قانون مدني الترم الجآي فممكن تمسك دي المادة ..
[/color]